《阿鳳姨ê五度ê空間》

Nāu-cheng...鬧鐘

作者 A-hōng-î....漢羅翻寫: Aheng

listen

錄音: 吳令宜, 蔣由信, 陳豐惠

A-lí-suh ê sè-kài ta̍k-hāng chin kî-kòai.
A-lí-suh ê世界ta̍k項真奇怪。
Chi̍t ê nāu-cheng lâi góa bīn-thâu-chêng,
一個鬧鐘來我面頭前，
Ba̍k-chiu chhiò-kà bui-bui-bui,
目睭笑kah bui-bui-bui，
Chhùi-kak khiàu-khiàu, kóng: “Cha̍p tiám, kòe cha̍p hun-cheng.
嘴角khiàu-khiàu，講:「十點，過十分鐘。」
“Khoaⁿ-khoaⁿ khòaⁿ. Bián kóaⁿ-kín.”
「Khoaⁿ-khoaⁿ khòaⁿ。免趕緊。」
Koh chi̍t ê nāu-cheng lâi góa bīn-thâu-chêng,
Koh一個鬧鐘來我面頭前，
Ba̍k-chiu ok-kà(=kah) chheⁿ-gîn-gîn,
目睭惡kà(=kah) chheⁿ-gîn-gîn，
Chhùi-kak sôe-sôe, kóng: “Chhit tiám, kòe jī-gō͘ hun-cheng.
嘴角sôe-sôe，講:「七點，過二五分鐘。」
“Taⁿ, lí iáu m̄ kóaⁿ-kín!”
「Taⁿ，你iáu m̄趕緊！」
Góa chhoah-chi̍t-ē, po̍ah-lo̍h bîn-chhn̂g-kha, soah cheng-sîn.
我chhoah一下，跋落眠床腳，煞精神。