《阿鳳姨ê五度ê空間》

Niau Lia̍h Niáu-chhí...貓掠老鼠

作者 A-hōng-î....漢羅翻寫: Aheng

listen

錄音: 吳令宜, 蔣由信, 陳豐惠

Ko͘-ta̍k-niau chin hó-miā,
Ko͘-ta̍k貓真好命，
Ta̍k ji̍t sńg tiān-tōng niáu-chhí.
Ta̍k日sńg電動老鼠。
Tiān-tōng niáu-chhí chin hó-lia̍h,
電動老鼠真好掠，
Sńg kòan-sì, chin ê niáu-chhí bô chhù-bī.
Sńg慣sì，真ê老鼠無趣味。
Ko͘-ta̍k-niau sńg tiān-tōng niáu-chhí,
Ko͘-ta̍k貓sńg電動老鼠，
Sńg-thiám, khùn phòng-í.
Sńg-thiám，睏膨椅。
Phòng-í ē-kha bih niáu-chhí,
膨椅下腳bih老鼠，
Chhut-lâi sńg tiān-tōng niáu-chhí.
出來sńg電動老鼠。
Ko͘-ta̍k-niau khòaⁿ-tio̍h chin siūⁿ-khì,
Ko͘-ta̍k貓看tio̍h真生氣，
Boeh liāh chin ê niáu-chhí.
Boeh掠真ê老鼠。