《阿鳳姨ê五度ê空間》

Tâng-lâng...銅人

作者 A-hong-î...漢羅翻寫Aheng

listen

Soaⁿ-téng chi̍t sian tâng-lâng,
山頂一sian銅人，
Éng-hiáng-tio̍h lûi-kong ê im-hiáng,
影響tio̍h雷公ê音響，
Éng-hiáng-tio̍h hong ê hêng-tōng.
影響tio̍h風ê行動。
Lûi-kong tiō chhut-tōa-tōa-la̍t ka kòng.
雷公tiō出大大力ka kòng。
Hong tiō chhut-tōa-tōa-la̍t ka sak.
風tiō出大大力ka sak。
Tâng-lâng po̍ah-lo̍h soaⁿ, ti̍t-ti̍t siak,
銅人跋落山，直直Siak，
Siak-chhut-khì Tiong-iang Soaⁿ-me̍h,
Siak出去中央山脈，
Siak-chhut-khì lán Tâi-ôan,
Siak出去咱台灣，
Siak-chhut-khì Tē-kiû-chhoan,
Siak出去地球村，
Siak-ji̍p-khì Kim-chheⁿ ê chhim-kheⁿ.
Siak入去金星ê深坑。