《阿鳳姨ê五度ê空間》

Thiⁿ o͘-o͘...天烏烏

作者 A-hong-î...漢羅翻寫Aheng

listen

Thiⁿ o͘-o͘, boeh lo̍h-hō͘.
天烏烏，boeh落雨。
A-kong gia̍h tî-thâu, ku̍t-bô soan-liu-kó͘,
阿公gia̍h鋤頭，掘無soan-liu-kó͘，
Ku̍t-tio̍h chi̍t lia̍p tōa-lia̍p ō͘,
掘tio̍h一粒大粒芋，
Mo͘h-tńg-lâi hō͘ A-má chò ō͘-nî.
Mo͘h-tńg來hō͘阿媽做芋泥。
A-má kóng: “Ou-nî siuⁿ-kòe tiⁿ,
阿媽講: 「芋泥siuⁿ過甜，
“Chia̍h-chē, kiaⁿ-íⁿ chiù chhùi-khí.
食chē，驚íⁿ蛀嘴齒。
“Ou-nî siuⁿ-kòe iû,
芋泥siuⁿ過油，
Ta̍k-ke tio̍h-ài khiūⁿ.”
Ta̍k家tio̍h-ài khiūⁿ。」
Thiⁿ o͘-o͘, teh lo̍h-hō͘.
天烏烏，teh落雨。
A-kong gia̍h tî-thâu, tò-tńg-khì chèng ō͘.
阿公gia̍h鋤頭，tò-tńg去種芋。