《阿鳳姨ê五度ê空間》

Bán Chheⁿ...Bán星

作者 A-hōng-î....漢羅翻寫:Chuniok

listen

插圖: Sherry Thompson
錄音: 吳令宜, 蔣由信, 陳豐惠

Sèng-tàn-mê, thô͘-kha chôan-chôan seh,
聖誕暝，土腳全全雪，
Thiⁿ-téng chôan-chôan chheⁿ.
天頂全全星。
Săn-tá Khu-lò͘-sù tùi chia kòe,
San-tá Khu-lò͘-sù tùi chia 過，
Chài góa khì bán chheⁿ.
載我去bán星。
Chi̍t lia̍p âng, chi̍t lia̍p n̂g, chi̍t lia̍p chheⁿ,
一粒紅，一粒黃，一粒青，
Bán-bán chi̍t pò͘-tē,
Bán-bán一布袋，
Bán-tńg-lâi tiàu tòa sèng-tàn-chhiū.
Bán-tńg來吊tòa聖誕樹。
Sèng-tàn-chhiū, sih-ā-sih.
聖誕樹， sih-ā-sih。
Ma-ma khòaⁿ-kà(=kah) hèng-chhih-chhih,
Ma-ma看kà(=kah)興chhih-chhih，
Kiò Săn-tá Khu-lò͘-sù chài i khì bán chheⁿ.
叫San-tá Khu-lò͘-sù 載伊去bán星。