《阿鳳姨ê五度ê空間》

Tōng-bu̍t ê Thâu...動物ê頭

作者 A-hong-î...漢羅翻寫Aheng

listen

Phah-la̍h--ê kā tōng-bu̍t ê thâu tèng tòa piah,
Phah獵--ê kā動物ê頭釘tòa壁，
Tèng-tèng kui kheh-thiaⁿ,
釘釘kui客廳，
Ā-ū kiuⁿ-á, ā-ū iûⁿ-á, ā-ū chúi-gû-káng.
Ā有羌á，ā有羊á，ā有水牛káng。
In kiáⁿ khòaⁿ-khòaⁿ--le,
In kiáⁿ看看--leh，
Tòa piah ó͘ chi̍t khang,
Tòa壁挖一孔，
Thâu-khak ùi piah hit pêng chhun--ji̍p--lâi.
頭殼ùi壁hit pêng chhun--入--來。
Phah-la̍h--ê lóng m̄-chai,
Phah獵--ê lóng m̄知，
Kā tōng-bu̍t ê thâu tián hō͘ lâng-kheh khòaⁿ.
Kā動物ê頭展hō͘人客看。
Lâng-kheh khòaⁿ-khòaⁿ-le,
人客看看--leh，
Kóng: “Chit lia̍p lâng-thâu siāng-kài o̍ah.”
講:「這粒人頭siāng-kài活。」