《阿鳳姨ê五度ê空間》

A-cha-kúi...A-cha鬼

作者 A-hong-î...漢羅翻寫Aheng

A-cha-kúi teh chhiau pùn-sò-tháng, chhōe pó-pòe,
A-cha鬼teh chhiau pùn-sò桶，chhōe寶貝，
Chhiau-kà pùn-sò òe-kà chi̍t-sì-kè.
Chhiau-kah pùn-sò òe-kah一sì-kè。
Chheng-khì-kúi tùi hia kòe,
清氣鬼tùi hia過，
Kóng: “Chhé--è! Pùn-sò sì-kè òe.”
講:「Chhé--è！Pùn-sò四界òe。」
A-cha-kúi kóng: “Chò khôan-pó, ta̍k-kē ê khang-khòe.
A-cha鬼講:「做環保，ta̍k-kē ê khang-khòe。
“Ū góa sì-kè chhiau, sì-kè chhōe.
「有我四界chhiau，四界chhōe。
“Pùn-sò chiah ē kiám chin chē.”
「Pùn-sò才會減真chē。」
Chheng-khì-kúi kóng: “Chò khôan-pó, ná án-ne!?”
清氣鬼講:「做環保，ná án-ne！？」
I tiō kā pùn-sò khioh hō͘ i hó-sè.
伊tio̍h kā pùn-sò拾hō͘伊好勢。
A-cha-kúi koh kā pùn-sò òe-kà chi̍t-sì-kè.
A-cha鬼koh kā pùn-sò òe-kah一sì-kè。