《阿鳳姨ê五度ê空間》

A-î ê Ou Ê...阿姨ê烏鞋

作者 A-hong-î...漢羅翻寫Aheng

É-á A-î ài o͘ ê.
矮á阿姨愛烏鞋。
I khòaⁿ-tio̍h o͘ ê, tiō ài bé.
伊看tio̍h烏鞋，tio̍h愛買。
Sím-mí pêⁿ-té-ê, tn̂g-kóng-ê,
Sím-mi̍h平底鞋，長管鞋，
Sím-mí san9-tá-luh, hai9-hì-lù,
Sím-mi̍h san9-tá-luh，hai9-hì-lù，
Lóng ka bé-bé tńg-khì chhù.
Lóng ka買買tńg去厝。
É-á Bû-pô mā ài o͘--ê ê.
矮á巫婆mā愛烏--ê鞋。
I khòaⁿ É-á A-î ū o͘ ê, hiah-nī chē,
伊看矮á阿姨有烏鞋，hiah-nī chē，
Tiō kā É-á A-î thó, A-î mā kóng: “hó.”
Tiō kā矮á阿姨討，阿姨mā講:「好。」
M̄-kò É-á Bû-pô tōa-kha-pô,
M̄-koh矮á巫婆大腳婆，
É-á A-î ê o͘ ê, i chhēng-bē-lo̍h.
矮á阿姨ê烏鞋，伊穿bē落。