《阿鳳姨ê五度ê空間》

A9-m̀一下

作者 A-hong-î...漢羅翻寫Aheng

A-ka in a-kong phòa-pēⁿ, ài lâng chhī.
A-ka in阿公破病，ài人chhī。
A-ka chì-gōan chhī in a-kong, koh chhī in ti-ti9(=ti).
A-ka志願chhī in阿公，koh chhī in弟弟。
I khat in a-kong ê môai, khat chi̍t thng-sî,
伊khat in阿公ê môai，khat一湯匙，
Kóng: “A-kong. Lâi. Am9! Chhùi peh-khui.”
講:「阿公。來。Am9！嘴peh開。」
In a-kong, thâu-khak hàiⁿ-hàiⁿ-.le, chhùi mi-mi.
In阿公，頭殼hàiⁿ-hàiⁿ--leh，嘴mi-mi。
A-ka ōaⁿ khat in ti-ti9 ê môai, khat chi̍t thng-sî,
A-ka換khat in弟弟ê môai，khat一湯匙，
Kóng: “Ti-ti9. Lâi, Am9! Chhùi peh-khui.”
講: 「弟弟。來，Am9！嘴peh開。」
In ti-ti9 a9-.m3-.chi̍t-.e7, chia̍h-lo̍h-khì.
In弟弟a9-m̀一下，食落去。
A-ka koh khat in ti-ti9 ê môai, khat chi̍t thng-sî,
A-ka koh khat in弟弟ê môai，khat一湯匙，
In a-kong a9-.m3-.chi̍t-.e7, ka chia̍h-khì.
In阿公a9-m̀一下，ka食去。