《阿鳳姨ê五度ê空間》

暗光鳥

作者 A-hong-î...漢羅翻寫Aheng

Àm-sî, soaⁿ-nâ hūn-hūn-tūn-tūn.
暗時，山林渾渾沌沌。
Chiáu-á, iá-siù, lóng teh khùn.
鳥á，野獸，lóng teh睏。
Àm-kong-chiáu chin ko͘-toaⁿ.
暗光鳥真孤單。
Bi̍t-pô cháu-lâi kah i chò-phōaⁿ.
Bi̍t-pô走來kap伊做伴。
Nn̄g ê thit-thô kah thiⁿ boeh kng.
兩個thit-thô到天boeh光。
Àm-kong-chiáu ba̍k-chiu sng,
暗光鳥目chiu sng，
Kóaⁿ-kín khì bîn-chhn̂g.
趕緊去眠床。
Thiⁿ chi̍t-ē kng,
天一下光，
Àm-kong-chiáu, ba̍k-chiu kheh-kheh-kheh,
暗光鳥，目chiu kheh-kheh-kheh，
Kìⁿ-chāi chha̍t-á thau-the̍h.
見在賊á偷提。