《阿鳳姨ê五度ê空間》

Bái-bái雞á-kiáⁿ

作者 A-hong-î...漢羅翻寫Aheng

Ū chi̍t chúi ke-á-kiáⁿ taN9 chhut-sì,
有一水雞á-kiáⁿ taN9出世，
Lāi-bīn chi̍t chiah bái-kâu-kâu.
內面一隻bái-kâu-kâu。
Kut-keh koh chho͘, chhùi-pe koh píⁿ.
骨格koh粗，嘴pe koh扁。
Háu-tio̍h: “ Bi9. Bi9. Bi9.”
哮tio̍h:「Bi9。Bi9。Bi9。」
Pa̍t chiah ke-á tiāⁿ-tiāⁿ ài tèng i.
別隻雞á定定ài tèng--伊。
Ū chi̍t pái, i hông jiok kàu hî-tî-á-piⁿ,
有一擺，伊hông jiok到魚池á邊，
Chū-án-ne tiō ka thiàu-lo̍h-khì.
Chū-án-ne tio̍h ka跳--落--去。
Bô siūⁿ kóng ē-hiáu siû, koh ē chhàng-chúi-bī.
無想講會曉siû，koh會chhàng水bī。
Ke-á khòaⁿ-kà chhùi khui-khui,
雞á看kah嘴開開，
Ba̍k-chiu tōa-tōa-lúi.
目chiu大大lúi。