《阿鳳姨ê五度ê空間》

Chháu-lâng..草人

作者 A-hōng-î....漢羅翻寫: Aheng

listen


插圖: Sherry Thompson
錄音: 吳令宜, 蔣由信, 陳豐惠

Ji̍t-sî, chháu-lâng tiām-tiām khiā,
日時，草人恬恬khiā，
Chāi chiáu-á tòa thâu-khak-téng thit-thô,
在鳥á tòa頭殼頂thit-thô，
Chāi chiáu-á tòa chhân-e thó-chia̍h.
在鳥á tòa chhân-e討食。
Àm-sî, chháu-lâng sì-kè kiâⁿ.
暗時，草人sì-kè行。
Hóe-kim-chheⁿ kā i chhiō-lō͘,
火金星kā伊照路，
Chôa kā i chhōa-lō͘,
蛇kā伊chhōa路，
Khì khòaⁿ lò͘(=lō͘)-lê ōe-tô͘,
去看露螺畫圖，
Khì khòaⁿ chîⁿ-chhí óe thô͘.
去看錢鼠挖土。
Thiⁿ kng, chháu-lâng tńg-lâi khiā-ho͘(=hō͘)-hó,
天光，草人tńg來khiā-hō͘好，
Chiáu-á koh lâi thit-thô.
鳥á koh來thit-thô。