《《原鄉.夜合》 客語詩集》

| | | 轉寄

羊尾仔看詩 Yòng mî é khon sṳ̂

時間空海ke某一點
Sṳ̀ kiân khûng hói ke meû yit tiám
存在二千二百年
Chhùn chhai lióng chhiên lióng pak ngiàn
那點時空紀錄著
Ke tiàm sṳ̀ khûng ki liu̍k tén
二千一百年已經死了
Lióng chhiên yit pak ngiàn yí kîn sí è
包括我
Pâu koat ngài
同我所愛ke人
Thùng ngài só oi ke ngìn

所有死了ke生命
Só yû sí liáu ke sên miang
全沒計較
Chhiòn mò ki káu
只有人類
Chṳ́ yû ngìn lui
毋甘願放手離開世間
M̀ kâm ngian piong sú lì khôi sṳ kiân


在歷史ke牆壁上
Chhai li̍t sṳ́ ke siòng piak hong
留下一大堆洗不淨ke故事
Liù hâ yit thai tôi sé m̀ chhiang ke ku sṳ

春雨過後ke清早
Chhûn yí ko heu ke chhîn chó
一隻羊尾仔
Yit chak yòng mî é
停立睡蓮面上
Thìn li̍p soi lièn mien hong
羊尾拍水波
Yòng mî phok súi pô
那時節,天頂下
Ke sṳ̀ chiet,thiên táng hâ
我佇湖邊
Ngài thê fù piên
恬恬將景色變做詩
Tiâm tiâm chiông kín set pien cho sṳ̂

羊尾仔,閒閒靜靜
Yòng mî é, hàn hàn chhin chhin
飛來飛去
Pî lòi pî hi

停佇詩上
Thìn thê sṳ̂ hong
看詩
Khon sṳ̂
看我
Khon ngài
看天色
Khon thiên set




羊尾仔=蜻蜓