《耶穌言行錄》

Tē-10-chiuⁿ,Pek-lī-hêng sòe-hàn ê gín-ná

作者 Ko Kim-seng.

listen

（Má-thài 2：12-18）
Phok-sū chhē-ti̍oh Îa-so͘，chīu tùi pa̍t tîau lō͘ tò-khì，bô khì pò Hi-lu̍t，in-ūi Sīong-tè ū be̍k-sī in.Hi-lu̍t ông thiaⁿ-kìⁿ phok-sū chōe in tò-khì，chīu tōa sīu-khì，i chûn-sim beh hāi-sí Îa-so͘，nā-sī m̄-chai tah-lo̍h chi̍t ê sī，só͘-í chīu chiong Pek-lī-hêng kéng-lāi bē chīuⁿ nn̄g-hè ê ta-po͘ gín-nà lóng thâi-sí，phah-sǹg Îa-so͘ tek-khak tī hiah ê gín-ná ê tiong-kan.Mā-sī Sīong-tè ū pó-hō͘ Îa-so͘，chhe thiⁿ-sài be̍k-sī Iok-sek，kah i tioh8chhoa7 Eⁿ-á kap lāu-bú cháu-khì Ai-ki̍p.Iok-sek sûi-sî thàu-mî chhōa in cháu-khì hioh tī Ai-ki̍p.Iok-sek khì bô lōa-kú，Hi-lu̍t ê peng chīu kàu，lâi châu Pek-lī-hêng ê gín-ná.Hit jiy8 thong hit só͘-chāi sī tōa chhiⁿ-chhám，chóng-sī hiah ê gín-ná ê kan-khó͘ sī chīam-sî，in-ūi in káⁿ lîam-piⁿ chīuⁿ thiⁿ，tit-ti̍oh hok-khì.Chòe pē-bú ê lâng khah iu-būn，chhin-chhīuⁿ sèng-chheh kóng，Li̍ap-kiat khàu kíaⁿ ê khóan-sit，chīu-sī kóng，"Tī Li̍ap-má ū thiaⁿ-kìⁿ pi-siong，ai-chhíam，thî-khàu，tōa iu-bun ê siaⁿ，Li̍ap-kiat khàu kíaⁿ，in-ūi bô khì，só͘-í bô sīu an-ùi. "

思羅安台語點字網站