《耶穌言行錄》

Tē-14-chiuⁿ,Îa-so͘ hō͘ Mô͘-kúi chhì

作者 Ko Kim-seng.

listen



Hit-ti̍ap kíau-āu Sèng Sîn chhōa Îa-so͘ khì khòng-ía，ía-sìu ê só͘-chāi，hō͘ Mô͘-kúi chhì-līan.Îa-so͘ tìam hia sì-cha̍p-ji̍t kú，kìm-chi̍ah kî-tó.Chai iau ê sî Mô͘-kúi chīu lâi kā i kóng，"Lí nā-sī Sīong-tè ê Kíaⁿ，ti̍oh bēng-lēng chiah ê chioh-thâu pìⁿ-chòe píaⁿ. "Îa-so͘ kóng，"Sèng-chheh ū kóng，Lâng tit-ti̍oh o̍ah，m̄-nā óa-khò píaⁿ，sī óa-khò Sīong-tè só͘ kóng ê ōe，chiah ōe o̍ah. "Chit hō ê chhì-līan bô chîaⁿ.Mô͘-kúi chīu chhōa Îa-so͘ kàu Sèng ê kiaⁿ-sîaⁿ，hō͘-I khīa tīan-téng，kā I kóng，Chú in-ūi lí ū hoan-hù I ê thiⁿ-sài，in chīu ōe ēng chhíu hû-chhî lí，bían-tit lí ê kha tak-ti̍oh chi̍oh. "Îa-so͘ kóng，"Sèng-chhah i̍ah ū kóng，Bo̍h-tit chhì Chú lí ê Sīong-tè. "Chit hō ê chhì-līan i̍ah bô chîaⁿ.Mô͘-kúi chīu chhōa Îa-so͘ chīuⁿ-khì ke̍k kôaiⁿ ê soaⁿ，chiong thiⁿ-ē bān-kok kap lóng-chóng ê chun-kùi ēng-kngg ê tāi-chì hō͘ I khòaⁿ，kā I kóng，"Lí nā phak-the pài góa，che lóng-chóng beh hō͘ lí. "Îa-so͘ kóng，"Sat-tàn thè-khì，Sèng-chheh ū kóng，"Ti̍oh pài Chú lí ê Sīong-tè，to̍k-to̍k ho̍k-sāi I nā-tīaⁿ. "Îa-so͘ lóng bô lo̍h Mô͘-kúi ê khôan-thò，Mô͘-kúi chīu lī-khui，thiⁿ-sài lâi ho̍k-sāi I .

Chāi-chá Mô͘-kúi ēng chôa lâi bê-he̍k lán ê sí-chó͘ líau，Sīong-tè tùi chôa kóng，"Góa hō͘ lí kap hū-jîn-lâng kiat oan-sîu，lí ê hō͘-è kap i ê hō͘-è i̍ah sī án-ni；i ōe siong-hāi lí ê thâu-khak，lí ōe siong-hāi i ê kha-āu-tiⁿ. "Îa-so͘ hō͘ Mô͘-kúi chhì-līan i̍ah bô sīu bê-he̍k，sī tú-tú èng-gīam koh-khah sîong-sè.

Lán sīuⁿ Îa-so͘ só͘ tú-ti̍oh ê chhì-līan chīu chai Mô͘-kúi chin lī-hāi，gâu chhē-phāng ēng hoat-tō͘ kè-bô͘ bê-he̍k lâng；ū sî i̍ah ēng Sèng-keng ê ōe lâi tò-chhì lâng.Sù-tô͘ Pí-tek pí-phēng Mô͘-kúi sī chhin-chhīuⁿ the háu ê sai；sì-kòe kîaⁿ，ài thun-kā lâng.

Lán khòaⁿ Îa-so͘ tī khòng-ía-nih，só͘ ēng ê khì-hâi thâi-îaⁿ Mô͘-kúi sī Sèng-chheh só͘ kì-chài ê ōe，tú-tú ha̍p Pó-lô só͘ kóng ê phì-jū kóng. "Sīong-tè ê tō-lí sī Sèng Sîn ê kìam；"só͘-í lán ti̍oh khûn-khûn káng-kìu Sèng-chheh，chiong tō-lí siu-khǹg tī sim-lāi，sîong-sîong sìau-līam.<ô͘-kúi béng，lán lóan-ji̍ok，íau-kú m̄-sái sit-chì.Îa-so͘ í-keng khah-îaⁿ，lán óa-khò I，i̍ah tek-khak khah-îaⁿ.Sèng-chheh kóng，"I kì-jîan tú-ti̍oh chhì-līan sīu kan-khó͘，chīu ōe pang-chān tú-ti̍oh chhì-līan ê lâng"（Hi-pek-lâi 2：18）.

思羅安台語點字網站