《耶穌言行錄》

Tē-16-chiuⁿ,Îa-so͘ chio ha̍k-seng

作者 Ko Kim-seng.

listen


（Iok-hān 1：35-52）
Kè ji̍t Iok-hān i nn̄g ê ha̍k-seng the khīa，khòaⁿ-kìⁿ Îa-so͘ the kîaⁿ，chīu kā i ê ha̍k-seng kóng，"Khòaⁿ Sīong-tè ê Îuⁿ-ko. "Nn̄g ê ha̍k-seng thiaⁿ-kìⁿ chit ê ōe，chīu tè Îa-so͘.Îa-so͘ o̍at thâu khòaⁿ-kìⁿ nn̄g ê ha̍k-seng tè I，chīu mn̄g kóng，"Lín beh kîu sím-mi̍h？"In ìn kóng，"Sian-siⁿ，lí tah-lo̍h khīa？"Îa-so͘ kóng，"Tè góa lâi khì khòaⁿ. "Chīu khì khòaⁿ I só͘ tìam ê só͘-chāi，saⁿ-kap hioh tī hia，tit-ti̍oh chin hó ê ki-hōe thang thiaⁿ Îa-so͘ ê kà-sī.In tiong-kan chi̍t lâng，chīu-sī An-tek-li̍at.I khì kā i ê hiaⁿ-tī Se-bûn kóng，"Góan ū tú-ti̍oh Bí-sài-a，"chīu chhōa i khì kìⁿ Îa-so͘.Îa-so͘ khòaⁿ chīu kóng，"Lí sī Iok-hān ê kíaⁿ Se-bûn，beh chheng-ho͘ chòe Ki-hoat. "（Ki-hoat kap Pí-tek sī saⁿ-tâng ê ì-sù.Ki-hoat sī Hi-pek-lâi ê im，Pí-tek sī Hi-la̍ip ê im，ì-sù sī chi̍oh）.Pí-tek āu lâi chòe sù-tô͘，chīu-sī cha̍p-jī ê chi̍t-ê.

Koh kè-ji̍t，Îa-so͘ beh khì Ka-lī-lī，tú-ti̍oh Hui-le̍k，chīu kā i kóng，"Tè góa. "Āu-lâi Hui-le̍k khì kā Ná-tàn-gi̍ap kóng，"Mô͘-se ê lu̍t-hoat kap Sian-ti ê chheh só͘ kì ê lâng，góan ū khòaⁿ-kìⁿ，chīu-sī Iok-sek ê kíaⁿ，Ná-sat-le̍k ê lâng Îa-so͘. "

Ná-tàn-gi̍ap tùi i kóng，"Ná-sat-le̍k kíam ōe chhut sím-mi̍h kàu jōa-hó ê lâng mah？"Hui-le̍k knog2，"Lí lâi lhoann3. "Îa-so͘ khòaⁿ-kìⁿ Ná-tàn-gi̍ap lâi chīu kóng，"Chit ê sêng-si̍t sī í-sek-liat ê lâng，bô kan-chá ê. "Ná-tàn-gi̍ap tùi Îa-so͘ kóng，"Cháiⁿ-īuⁿ ōe bat góa？"Îa-so͘ ìn i kóng，Hui-le̍k íau-bē kìo lí，lí tī bû-hoa-kó chhīu-ē，góa í-keng khòaⁿ-kìⁿ lí lah. "Ná-tàn-gi̍ap chīu kóng，"Sian-siⁿ chin-chìaⁿ sī Sīong-tè ê Kíanⁿ，í-sek-li̍at ê ông. "Îa-so͘ kóng，"Góa kóng，Bû-hoa-kó chhīu-ē，khòaⁿ-kìⁿ lí，lí sìn hò͘ⁿ？Āu-lai5li2 ōe khòaⁿ pí chit ê tāi-chì koh-khah tōa ê ，chīu-sī ōe khòaⁿ thiⁿ khui，Sīong-tè ê chhe-sài chīuⁿ-lo̍h tī Jîn-chú ê téng-bīn. "

Lán chòe Îa-so͘ ê ha̍k-seng，ti̍oh o̍h chhin-chhīuⁿ An-tek-li̍at，Hui-le̍k，ín-chhōa lâng lâi chīu-kūn Îa-so͘.I̍ah ti̍oh o̍h Ná-tàn-gi̍ap sêng-si̍t bô kan-chà ê khóan-sit.

思羅安台語點字網站