《耶穌言行錄》

Tē-1-chiuⁿ, Îa-so͘ Ki-tok lîm-kàu sè-kan

作者 Ko Kim-seng.

listen

Tùi A-tong Hā-oa kóaⁿ-chhut Lo̍k-hngg kàu Îa-so͘ lîm-kàu sè-kan ê sî，kúi-nā chheng nî.

Chú Îa-so͘ Ki-tok sī Sīong-tè éng-o̍ah ê Kíaⁿ，chhut-sì chòe lâng.Í-sài-a lūn I ê tāi-chì chīu kóng，"Ū chi̍t ê Eⁿ-á ūi lán lâi chhut sî，ū chi̍t ê Kíaⁿ síuⁿ-sù lán.I beh hū-tam kok-chèng，I ê mîa chheng chòe Kî-bīau，Bô͘-sū，Chôan-lêng ê Sīong-tè，Éng-óan tī-the ê Pē，Hô-pêng ê Jîn-kun. "（Í-sài-a 9：6）

Îa-so͘ sui-jîan chhut-sì chòe Eⁿ-á，tī sè-kan chòe sòng-hiong lâng，kî-si̍t sī Sīong-tè.

Îa-so͘ lī-khui thian-tông êng-hían hok-khì，lîm-kàu sè-kan sī beh kìu lâng.Lâng í-keng ū tek-chōe Sīong-tè，ti̍oh sīu hêng-ho̍at，Îa-so͘ lai5thoe3 lán tam-tngg.Sīong-tè ê bēng-lēng lán tek-khak ti̍oh síu，íau-kú lán bô khùi-la̍t，Îa-so͘ thòe lán síu.Lâng beh hìan-chè hō͘ Sīong-tè，ta̍k-hang ti̍oh ēng chîau-chn̂g-ê；Îa-so͘ chīu-sī chîau-chn̂g ê chè，bô chi̍t-tíam-á phòa-phah，só͘-í Sīong-tè hoaⁿ-hí I.Sīong-tè ín put-kóan sím-mi̍h lâng nā sìn，chīu beh ēng I ê Kíaⁿ ê huih sóe-chheng i ê chōe，i̍ah beh ēng I ê Kíaⁿ ê gī lâi chòe i ê gī，án-ni tì-kàu éng-óan o̍ah.Sèng-keng kóng，"Sīong-tè chiong to̍k-siⁿ ê Kíaⁿ síuⁿ-sù sè-kan，hō͘ kìⁿ-nā sìn I ê lâng bōe tîm-lûn，ōe tit-ti̍oh éng-o̍ah；I thìaⁿ sè-kan kàu án-ni. "（Iok-han 3：16）

思羅安台語點字網站