《耶穌言行錄》

Tē-18-chiuⁿ,Îa-so͘ chéng-tùn Sèng-tīan

作者 Ko Kim-seng.

listen


（Iok-hān 2：12-17）
Îa-so͘ tùi Ka-ná khì Ka-pek-lông，koh bô kúi ji̍t chīuⁿ Îa-lō͘-sat-léng beh síu Pôaⁿ-kè choeh，ji̍p tīan khòaⁿ-kìⁿ lâng bōe gû，îuⁿ，chíⁿ-á，i̍ah ū lâng the ōaⁿ gûn.Îa-so͘ ēng soh-á chòe piⁿ kóaⁿ cheng-siⁿ，gû，îuⁿ chhut tīan，chhia-tó ōaⁿ gûn ê lâng ê toh，koh kā bōe chíⁿ-á ê lâng kóng，"Chiah ê mi̍h ti̍oh the̍h-khì，m̄-thang chiong góa ê Pē ê chhù chòe bóe-bōe ê chhù. "Lūn tīan，chá Só͘-lô-bûn khí put-chí súi，hō͘ Nî-pò͘-kah-nî-sat ê peng sio húi-hōai.Chit keng sī peh-sìⁿ tùi Pa-pí-lûn tò-ali5 chiah koh khì ê，chóng-sī bô hiah súi，i̍ah ū sit-lo̍h kúi-nā hāng pó-pòe ê mi̍h，kàu Hi-lu̍t ông ê chhíu koh siu-chéng khah tōa，i̍ah ke̍k súi，*ke̍k chhòng.Îu-thài lâng khòaⁿ ti̍oh，ta̍k ê chin hoaⁿ-hí o-ló.Sui-jîan án-ni，tī tīan-lāi ho̍k-sāi Sīong-tè ê khóan-sit chōe-chōe hāng m̄-ti̍oh，só͘-í hō͘ Îa-so͘ sīu-khì.Taⁿ lán ji̍p lé-pài-tn̂g sui-jîan bô bóe-bōe ê tāi-chì，íau-kú bô choan-sim tì-ì thiaⁿ tō-lí，ū sīuⁿ chòe kang，chòe seng-lí，pa̍t hāng sai-khia ê tāi-chì，che lóng sī chhin-chhīuⁿ hit sî Îu-thài lâng tī tūan-lāi the chòe bóe-bōe chi̍t-īuⁿ，Îa-so͘ tek-khak m̄ hoaⁿ-hí；só͘-í lán tī lé-pài-tn̂g ti̍oh ēng choan-sim thiaⁿ tō-lí，kîu Sīong-tè síuⁿ-sù Sèng Sîn kám-hòa，hō͘ lán ê sim ōe siu-khǹg tō-lí，tit-ti̍oh tōa ê lī-ek，bían hō͘ Sīong-tè sīu-khì.

思羅安台語點字網站