《耶穌言行錄》

Tē-19-chiuⁿ,Nî-ko-tí-bó͘

作者 Ko Kim-seng.

listen


（Iok-hān 3：1-21）
Hoat-lī sài-kàu ū chi̍t ê mîa kìo Nî-ko-tí-bó͘，sī chòe Îu-thài koaⁿ.I thiaⁿ-kìⁿ lâng kóng Îa-so͘ kîaⁿ lōa-chōe ê sîn-jiah，sim chīu phah-sǹg Îa-so͘ tek-khak sī Sīong-tè só͘ chhe ê lâng，him-bō͘ ài khòaⁿ I；só͘-í ū chi̍t mî khì chīu-kūn.Kìⁿ-ti̍oh chīu kóng，"Sian-siⁿ，góan chai lí sī tùi Sīong-tè lâi ê sian-siⁿ，in-ūi lí só͘ kîaⁿ ê sîn-jiah nā m̄-sī Sīong-tè pì-īu，bô lâng ōe kîaⁿ. "Îa-so͘ kóng，"Lâng nā bô têng-thâu-siⁿ，bōe-ōe khòaⁿ-kìⁿ Sīong-tè ê kok. "Nî-ko-tí-bó͘ kóng，"Lâng í-keng lāu，cháiⁿ-īuⁿ ōe têng-thâu-siⁿ？"Îa-so͘ kóng，"Nā bô tùi chúi，tùi Sèng Sîn lâi siⁿ，bōe-ōe ji̍p Sīong-tè ê kok；tùi seng-khu siⁿ ê，chīu-sī seng-khu；tùi sîn siⁿ ê，chīu-sī sîn. "Nî-ko-tí-bó͘ thiaⁿ bōe híau-tit，Îa-so͘ chū ēng phì-jū kóe-bêng kóng，"Hong chhut-chāi i the chhe，thiaⁿ i ê siaⁿ m̄-chai tùi tá-lo̍h lâi，tùi tá-lo̍h khì；Sîn siⁿ ê i̍ah sī án-ni.Góa kóng，Tek-khak ti̍oh têng-thâu-siⁿ，bo̍h-tit kî-kòai chit ê ōe.Chāi-chá Mô͘-se kú-khí chôa tī khòng-ía，jîn-chú hō͘ lâng kú-khí i̍ah chhin-chhīuⁿ i.Sīong-tè chiong to̍k-siⁿ ê Kíaⁿ síuⁿ-sù sè-kan。Hō͘ sìn I e lâng m̄-sái tîm-lûn。Ōe tit-ti̍oh éng-o̍ah.I thiaⁿ sè-kan ê lâng kàu án-ni；Sīong-tè chhe I ê Kíaⁿ lo̍h-lâi sè-kan，m̄-sī beh tēng sè-kan lâng ê chōe；sī beh lâi kìu sè-kan.
"Nî-ko-tí-bó͘ hit mî thiaⁿ Îa-so͘ ê kà-sī káⁿ ū sìn，in-ūi i āu-lâi nn̄g pái hían-bêng hó-táⁿ ê sim lâi jīn Îa-so͘.

思羅安台語點字網站