《耶穌言行錄》

| | | 轉寄

Tē-29-chiuⁿ,Pit-sū-tāi ê tî

listen

(Iok-hān 5:1-16)
Liáu-āu Iû-thài lâng ê choeh-kî,Iâ-so͘ chiūⁿ Iâ-lō͘-sat-léng.Tī Iâ-lō͘-sat-léng,ū chi̍t ê siâⁿ-mn̂g,hō͘-chòe Iûⁿ-mn̂g;kūn hia ū tî,miâ kiò Pit-sū-tāi.Tî-piⁿ ū gō͘ ê lông,lāi-bīn put-sî ū pīⁿ ê lâng tiàm tī hia the thèng-hāu,ǹg-bāng tùi tî ê chúi tit-tio̍h pīⁿ hó.

Ū chi̍t ji̍t,Iâ-so͘ tùi tî-puⁿ keng-kè,khòaⁿ-kìⁿ ū chi̍t lâng tó-teh,seng-khu put-chí loán-jio̍k,pīⁿ í-keng saⁿ-cha̍p-poeh nî.Kú-kú tī hia the thèng-hāu,taⁿ kai-chài tú-tio̍h Iâ-so͘,Iâ-so͘ mn̄g i kóng,"Lí ài tit-tio̍h hó mah?"I in kóng,"Chú ah,chúi tín-tāng ê sî bô lâng hû góa lo̍h tî,kàu góa ka-kī lâi,chiū pa̍t lâng í-keng lo̍h-khì. "Iâ-so͘ kóng,"Lí khí-lâi,giâ pho͘-kài khì kiâⁿ. "Hit ê lâng thiaⁿ-kìⁿ Iâ-so͘ chit-kú ōe,liâm-piⁿ khí-lâi giâ pho͘-kài tò-khì.Hit ji̍t tú-tú sī An-hioh-jit,Iû-thài lâng khòaⁿ-kìⁿ i giâ mi̍h,chiū bô hoaⁿ-hí,kā i kóng,"an-hioh-ji̍t chòe chit 5e tāi-xchi3 m̄-tio̍h. "I kóng,"Hit ê i-hó góa ê,kah góa án-ni.
"Hit ê lâng pún m̄-bat Iâ-so͘,thêng bô jōa-kú tú-tio̍h Iâ-so͘ tī tiān nih.Iâ-so͘ kā i kóng,"Lí ê pīⁿ í-keng hó,m̄-thang koh-chài hoān-chōe,kiaⁿ-liáu tú-tio̍h chai-ē koh-khah tāng. "Lâng iû-goân kiâⁿ m̄-tio̍h,m̄-khéng hoán-hóe chōe,sí-āu lêng-hûn ê kan-khó͘,pi seng-khu pīⁿ-thiàⁿ ê kan-khó͘ koh-khah chhám.

Chit lâng chhut tiān kā Iû-thài lâng kóng,i-hó i ê chiū-sī Iâ-so͘.Iû-thài lâng thiaⁿ-kìⁿ put-chí siū-khì,beh hāi-sí Iâ-so͘.

Chit hāng sū thang ēng lâi pí-phēng Sèng-chheh kóng ê tō-lí.Sat-ka-lī-a kóng,"Āu-lâi ōe khui chúi-chôaⁿ hō͘ Tāi-pi̍t ê m̄-tio̍h,tû-khì in pún-jiân ê ù-òe. "Taⁿ Sèng-chheh só͘ kóng chit hō ê ōe sī chí Iâ-so͘,chhin-chhiūⁿ pa̍t só͘-chāi kóng,"Siōng-tè ê Kiáⁿ Iâ-so͘ Ki-tok ê huih sóe-tû lóng-chóng ê chōe-kòa"(Sat-ka-lī-a 13:1;I Iok-hān 1:7).

思羅安台語點字網站