《耶穌言行錄》

| | | 轉寄

Tē-60-chiuⁿ,Lán tio̍h sià-bián lâng

listen

(Má-thài 18:20-35;Lō͘-ka 17:3,4).
U7chit8 ji̍t,Pí-tek mn̄g Iâ-so͘ kóng,"Chú ah,hiaⁿ-tī tek-chōe góa,góa sià-bián i,tio̍h kúi pái?Chhit pái thang mah?"Iâ-so͘ ìn kóng,"M̄-nā chhit pái,chiū-sī tio̍h chhit-cha̍p ê chhit pái. "

Iâ-so͘ chiū ēng chi̍t ê phì-jū kā ha̍k-seng kóng,"Thian-kok chhin-chhiūⁿ jîn-kun kap i ê jîn-sîn sǹg-siàu,sǹg-siàu ê sî,ū lâng thoa chi̍t lâng lâi,khiàm chheng-bān niú gûn.Kì-jiân bô thang hêng,i ê chú hoan-hù tio̍h bōe hit ê lâng,kap i ê bó͘-kiáⁿ,kap i só͘ ū ê lâi hêng.Hit ê jîn-sîn phak-teh pài i,kóng,"Chú ah,tio̍h khoan-iông góa,góa tit-beh lóng hêng lí. "I ê chú lîn-bín chiū pàng i,sià-bián i ê chè.Hit ê jîn-sîn chhut-khì,tú-tio̍h tâng-phōaⁿ khiàm i cha̍p niú gûn,chiū lia̍h i,ni̍h i ê nâ-âu,kóng,"Lí só͘ khiàm—ê,tio̍h hêng góa. "Hit ê tâng-phōaⁿ phak-teh,kiû kóng,"Tio̍h khoan-iông góa,góa tit-beh lóng hêng lí. "I m̄ in,kā i koaiⁿ-kaⁿ,thèng-hāu i lâi hêng só͘ khiàm—ê. Saⁿ-kap chòe jîn-sîn ê khòaⁿ-kìⁿ,chiū chin hoân-ló,chiong chit ê tāi-chì khì tùi chú kóng-bêng.Chú chiū kiò i kóng,"Pháiⁿ ê jîn-sîn ah,lí só͘ khiàm—ê.kiû góa,góa chiū m̄ kā lí thó͘;lí kiám m̄ tio̍h lîn-bín tâng-phōaⁿ,ia̍h ná góa lîn-bín lí mah?"Tùi hit-tia̍p i ê chú siū-khì,chiong i kau hō͘ kaⁿ ê chhe-ia̍h,thèng-hāu i hêng só͘ khiàm—ê.Lín chèng-lâng nā bô ēng sim sià-bián hiaⁿ-tī ê kè-sit,chiū góa ê Thiⁿ-pē khoán-thāi lín ia̍h beh án-ni. "

Siōng-tè sī lán ê Chú,lán tek-chōe i bōe sǹg-tit pái,I iáu-kú èng-ún sià-bián;lâng tek-chōe lán,lán kiám m̄ tio̍h hoaⁿ-hí sià-bián i mah?Nā bô,kî-tó ê sî cháiⁿ-iūⁿ ōe kóng,"Sià-bián goán ê chè, chhin-chhiūⁿ goán sià-bián lâng ê chè?"

思羅安台語點字網站