《耶穌言行錄》

| | | 轉寄

Tē-85-chiuⁿ,Pun gûn hō͘ lô͘-po̍k ê phì-jū

listen

(Má-thài 25:14-30;Lō͘-ka 19:12-27)
Iâ-so͘ koh kóng,thian-kok sī"Chhin-chhiūⁿ chi̍t lâng beh khì gōa-kok,tiàu lô͘-po̍k,chiong só͘ ū ê kau-tài in.Ū-ê tit-tioh gûn gō͘ chheng,ū-ê tit-tio̍h nn̄g chheng,ū-ê chi̍t chheng,ta̍k lâng chiàu i ê châi-tiāu;chú-lâng chiū khì chhut-gōa.Niá gō͘ chheng—ê khì chòe seng-li,koh thàn gō͘ chheng;niá nn̄g chheng—e,ia̍h thàn nn̄g chheng;nia chi̍t chheng--e,khì ku̍t tōe siu-khǹg chú-lâng ê gûn.Kú-kú chú-lâng chiū tò-lâi kap lô͘-po̍k sǹg-siàu.Niá gûn gō͘ chheng—ê kàu,iū-koh tòa gō͘ chheng kóng,"hú hō͘ góa gō͘ chheng,góa tit-tio̍h gō͘ chheng têng-pē i. "hú-lâng kóng,"Hó lô͘-po̍k,tiong-hō͘ ah,lí tī chió—ê í-keng chīn-tiong,góa boeh ēng chōe-chōe ê thok-tiōng lí,thang ji̍p lí ê hú ê khoài-lo̍k. "Niá gûn nn̄g chheng—ê kàu kóng,"Chú hō͘ góa nn̄g chheng,góa tit-tio̍h nn̄g chheng têng-pē i. "Chú-lâng kóng,"Hó͘ ah,lô͘-po̍k tiong-hó͘ ah,lí tī chió—ê í-keng chīn-tiong,góa beh ēng chōe-chōe—ê thok-tiōng lí,thang ji̍p lí ê Chú ê khoài-lo̍k. "Niá gûn chi̍t chheng—ê kàu,kóng,"Chú ah,góa chai lí sī giâm-hat ê lâng,bē iā chéng ê só͘-chāi chiū beh siu-koah,bē iā sòaⁿ ê só͘-chāi chiū beh siu-ji̍p;só͘-í góa kiaⁿ,siu-khǹg lí ê gûn tī tōe-nih,taⁿ lí ê goân-mi̍h iuá tī-teh. "Chú-lâng kóng,"Pháiⁿ koh pînⁿ-tōa ê lô͘-po̍k。lí chai góa bē iā chéng chiū beh siu-koah,bē iā sóaⁿ chiū beh siu-ji̍p;chiū eng-kai chiong góa ê gûn lok chîⁿ-tiàm。góa kàu ê sî chiū tit-tio̍h pún-chîⁿ lī-sek. "Chiū hoan-hù sin-piⁿ teh khiā ê lâng kóng,"Tio̍h chhiúⁿ the̍h i ê chi̍t chheng gûn,hō͘ hit ê ū cha̍p chheng—ê;un-ūi ê beh hō͘ i,hō͘ i ū chhun,bô ê liân i só͘ ū ê ia̍h beh toa̍t i. "Bô lī-ek ê lô͘-po̍k tio̍h kóaⁿ-tio̍k tī gōa-bīn o͘-àm ê só͘-chāi,tī-hia ū ai-chhám,thî-khàu kā-gê chhiat-chhí. "

Kàu-hōe lāi ê lâng ta̍k-lâng ū koan-hē,put-kò ū cheng-chha chōe-chió nā-tiāⁿ.Ta̍k lâng tio̍h chiàu i só͘ tit-tio̍h ê lai kui êng-kng tī Siōng-tè,chiū thang hióng-siū Chú éng-oán ê hok-khì.M̄-thang chhin-chhiūⁿ hit ê pháiⁿ pîn-tōaⁿ ê lô͘-po̍k,tī kàu siū kóaⁿ tī éng-oán kan-khó͘ ê só͘-chāi.

思羅安台語點字網站