《蘇老師 ê 台語教室》

| | | 轉寄

台南文賢國小2016台語名號詩

指導老師:蘇晏德
2016年文賢國小畢業生

文賢國小鄭丞伶
平時足愛啉牛奶
上課時間足無閒
夢想以後做醫生
春天南投去賞櫻
熱天佮意去游泳
秋天出外看風景
寒天山頂看雪景

文賢國小劉博豪
逐擺掃地人呵咾
拍球演戲我上好
台語電腦上愛學
我佇班上是一號
早頓佮意食饅桃
上蓋愛食雞卵糕
以後想欲種葡萄

文賢國小張凱崴
我有參加跤球隊
讀過的冊一大堆
非常佮意去泅水
逐家講我有智慧
上愛欣賞媠花蕊
我有勇壯ê跤腿
欲做警察掠土匪

文賢國小陳冠霖
學習功課有耐心
數學感覺有夠深
比賽著名提獎金
老師教我口風琴
假日佮意去山林
欣賞台灣ê烏熊
飲料紅茶我愛啉

偉哲外號叫阿輝
老師講我真古錐
認真讀冊守校規
我的人品有夠媠
認真拍拚袂食虧
上愛欣賞媠花蕊
我是學校弄獅隊
愛啉咖啡講是非

六年甲班邱建銘
文賢國小ê學生
上蓋佮意食龍眼
熱天愛食枝仔冰
有閒出外看風景
大漢想欲去攑槍
因為夢想做刑警
為護國家ê和平

文賢國小劉雅萱
蹛佇以前台南縣
若我上蓋愛台灣
我是弄獅ê隊員
以後想欲去組團
是我心內ê心願
感覺厝內上溫暖
希望寫詩ē入選

文賢國小鍾欣硯
我ê學校是文賢
上蓋佮意大自然
佇厝上愛做手鍊
做事謹慎袂受騙
我對學校有貢獻
想欲上台去表演
共我才藝好好展

文賢國小余順凱
數學自然真厲害
逐項知識攏嘛知
希望以後會發財
水果佮意食王萊
以後欲做好翁婿
阿母講我是將才
會當創造好未來

文賢國小張勝翔
保安是我ê家鄉
我ê身體上蓋勇
跤球體育真正強
人攏講我是英雄
看著目標我會衝
愛寫台語ê文章
分予逐家來分享

我名叫做王俊生
文賢國小ê學生
熱天的時愛食冰
大漢以後欲做兵
做兵會使來攑槍
老師教阮按怎用
穿著軍服真有型
升官會當下命令

六年甲班黃暉盛
文賢國小ê學生
熱天足愛食蔡冰
水果佮意食龍眼
有閒出外看風景
熱天興趣是游泳
有時起痟真神經
以後想欲做明星

我名叫做林承志
做事認真真明智
講話老實閣有理
上愛啉ê是咖啡
上蓋佮意是英語
以後想欲做名醫
父母講我喙上甜
逐工攏是笑bi-bi

我名叫做曾俊嘉
上蓋愛食滷豬腳
逐工食甲飽飽飽
考試想欲考一百
逐工起床攏真早
以後想欲賣豬肉
歡喜ê時笑哈哈
上課恬恬攏袂吵

我名叫做余嘉豪
上蓋尊敬阮阿母
體育台語真正好
處理代誌萬事和
逐工攏愛食水果
大漢欲來種茼蒿
讀冊讀了真疲勞
功課m̄捌就愛學

我名叫做黃盈禎
文賢國小ê學生
逐工上課足安靜
水果想欲食柳丁
熱天足愛食礤冰
上愛啉ê是牛奶
逐項開銷我會省
逐工攏有好心情

我的名叫陳婉韶
上蓋愛食是水餃
有閒攏咧唱歌謠
認真拍拚人真巧
上愛動物著是鳥
這個世界上奇妙
出國是我ê目標
以上是我ê介紹

我名叫做莊佳偉
生做趣味閣古錐
向望以後大富貴
大漢想做消防隊
上課認真守校規
食飯上愛食雞腿
雖然愛食攏無肥
祈求上帝賜智慧

我的名叫林楷鈞
佮意食ê是冬粉
阮班數學我冠軍
若做代誌真殷勤
佇我上課ê時陣
逐節認真袂愛睏
以後趁錢坐渡輪
欲去遠遠ê日本

我名叫做楊宜軒
國小名稱叫文賢
有閒想欲去花蓮
毋捌的字查字典
阮兜ê狗叫小犬
我上佮意掛手鍊
蘋果鳳梨食袂倦
向望做伙來結緣

我名叫做孫嘉鴻
身體全班上健康
大漢夢想做總統
好聽ê話足gâu講
熱天上愛吹冷風
我ê頭腦足精光
個性活潑真開朗
希望以後會成功

我名叫做李欣庭
上愛運動是游泳
佮意美麗天頂虹
熱天上愛枝仔冰
大漢想欲做刑警
個性恬恬真安靜
透早佮意啉牛奶
我有美好ê家庭

我名叫做石家偉
雖然食濟攏袂肥
上愛拍球佮泅水
生做緣投閣古錐
食飯上愛配雞腿
阮是學校弄獅隊
平時勤儉袂浪費
大漢想欲娶貴妃

欣哲外號叫阿恩
蹛佇仁德保安村
食飯愛配筊白筍
點心竹筍炒米粉
食甲腹肚圓滾滾
外表生甲真英俊
願望想欲去日本
對待父母足孝順

我名叫做高建霖
我ê目睭上蓋金
身材大箍親像熊
平時上課真專心
拄著困難我會忍
以後想欲做主任
飲料可樂上愛啉
辦桌佮意食紅蟳

我名叫做李姿穎
熱天上愛食礤冰
佮意出外看風景
我嘛足愛去旅行
處理代誌足冷靜
我對讀冊真熱情
大人長輩攏尊敬
若做代誌足公正
逐擺下課一尾龍
我是文賢ê學生

六年甲班李艾蓁
上課就是無認真
規工愛睏無精神
我做代誌無謹慎
做歹代誌會承認
以後欲做好公民
對阮阿母足感恩
講話實在有守信