《台語kah魔術》

| | || 轉寄

阿母的愛

阿母的愛(台語文)

阿母的愛上蓋媠 A-bú ê ài siōng-kài súi
親像春天的花蕊 Chhin-chhiūⁿ chhun-thiⁿ ê hoe-lúi
阿母點滴的恩惠 A-bú tiám-tih ê un-hūi
親像甘甜的露水 Chhin-chhiūⁿ kam-tiⁿ ê loō-chúi

阿母無私閣慷慨 A-bú bô-su koh khóng-khài
親像月娘遐可愛 Chhin-chhiūⁿ goe̍h-niû hia khó-ài
阿母對人好款待 A-bú tùi-lâng hó khoán-thāi
親像良善的天使 chhin-chhiūⁿ liông-siān ê thiⁿ-sài

阿母貼心閣溫暖 A-bú tah-sim koh un-loán
予阮全家足安全 Hoō goán choân-ke chiok an-choân
阿母辛苦無埋怨 A-bú sin-khoó bô bâi-oàn
予阮感覺無平凡 Hoō goán kám-kak bô pêng-hoân

阿母笑容像春風 A-bú chhiò-iông chhiūⁿ chhun-hong
予阮事事攏亨通 Hoō goán sū-sū lóng heng-thong
阿母個性真開朗 A-bú kò-sèng chin khai-lóng
予阮精神足清爽 Hoō goán cheng-sîn chiok chheng-sóng