《台語kah魔術》

| | || 轉寄

感謝阿爸

感謝阿爸(台語文) 蘇晏德

八月初八阿爸節 Peh-goe̍h chhe-peh Hū-chhin-cheh
感謝偉大的老爸 Kám-siā úi-tāi ê lāu-pē
辛苦付出為全家 Sin-khoó hù-chhut ūi choân-ke
文武雙全逐項會 Bûn-bú siang-choân ta̍k-kang ē

父親佳節愛感恩 Hū-chhin ka-chiat ài kám-un
囝兒序細著孝順 Kiáⁿ-jî sī-sè tio̍h hàu-sūn
阿爸是咱的後盾 A-pah sī lán ê āu-tún
犧牲奉獻為囝孫 Hi-seng hōng-hiàn ūi kiáⁿ-sun

阿爸親像一座山 A-pah chhin-chhiūⁿ chi̍t-chō soaⁿ
流出性命的水泉 Lâu-chhut sèⁿ-miā ê chúi-chôaⁿ
愛心溫暖阮心肝 Ài-sim un-loán goán sim-koaⁿ
無你生活欲按怎 Bô lí seng-oa̍h beh án-chóaⁿ

阿爸恬恬無出聲 A-pah tiām-tiām bô chhut-siaⁿ
拄著風雨攏毋驚 Tú-tio̍h hong-hoō lóng m̄-kiaⁿ
為囝將來一直拚 Ūi kiáⁿ chiong-lâi it-ti̍t piàⁿ
逐工辛苦為細囝 Ta̍k-kang sin-khoó ūi sè-kiáⁿ