《胡文池牧師kap布農族》

 | | | 轉寄

胡文池牧師接受臺灣神學院授予榮譽神學博士時致詞

作者 節錄自一九八二年第一五八三期台灣教會公報 2010.02.21

【本報訊】台灣神學院tī六月十五日上午十時，tī hit-ê學院禮拜堂舉行第一一0學年度畢業典禮暨榮譽神學博士學位授予典禮。 榮譽神學博士學位由院長謝穎男博士授與，領受者駱先春牧師、胡文池牧師tī眾所敬仰ê賀聲中接受chit項殊榮，兩位主ê忠僕lóng是終生tī偏僻ê山地默默做工，對台灣教會ê傳道事工有真大ê貢獻。

胡文池博士tī接受學位授與了後致詞講:
「今á日我真光榮kap我ê同伴駱先春牧師tī chia得tio̍h榮譽神學博士學位。二、三十年前阮同齊同工，料想未到今á日同得此光榮，這m̄是阮ê聰明，是上帝ê安排。我常感覺我真瘦，食不肥，到現在我chiah知影，我身瘦，腳長，是上帝ài我tī山頂奔走傳福音。我m̄知影頭殼痛是什麼款，上帝幫助我完成聖經翻譯工作。希臘文是文明ê文字，布農語是簡單ê語言，只有簡單ê幾百個語詞，有時為翻譯一句話á想了幾工，但上帝hō͘我m̄-bat頭殼痛。感謝上帝ê安排，mā將一切歸榮耀hō͘上帝。」

典禮中加拿大教會選派來臺學者邁禮蘭博士(Dr．JosephC． McLelland)以
「將生命ê道表明出來」為題講道，總會議長賴俊明牧師kap北大議長楊清源牧師祝詞，最後由總會議長賴牧師祝禱結束。