《白話字文獻e5文明觀》

| | | 轉寄

第三章 《台灣府城教會報中ê現代醫療衛生書寫》(五)

第二節 醫學�護理教育
台灣醫療衛生行入現代化ê過程中,除了硬體ê醫院設置以外,醫學教育ê建立mā是真重要ê部分。Tī日本政府透過官方所設立ê醫學校開始chìn前,台灣民間對現代醫療ê jīn-bat,是透過教會所開設ê西式病院。早期,醫療宣教士因為醫院事務ê無êng,有招收學生(見習生)ê制度。「見習生」ê產生tī台灣醫學教育ê初期扮演真重要ê角色,台灣人thang透過tī西式醫院kā外國醫師o̍h醫療技術來得到醫療、衛生知識,mā感染醫療宣教士ê醫德。Tng當學習年限結束,離開醫院了後,in ē-tàng自行開業,經營醫院、診所、或者藥局,成做台灣早期ê本地西醫。所以,早期「見習生」制度ê建立m̄-nā是台灣醫學教育ê先驅,mā是台灣初代西醫形成ê過程。Tī《台灣府城教會報》有關醫療衛生ê書寫lāi-té,亦有描寫著見習生接受醫學教育ê情形。