《巴克禮普世版聖經(試讀本)》

| | | 轉寄

巴克禮普世版(試讀本) 哥林多前書第八章

Chè Ngó͘-siōng ê Chia̍h-mi̍h
1 Koan-hē chè ngó͘-siōng ê mi̍h. Lán chai lán lóng ū tì-sek. Tì-sek ē hō͘ lâng kiau-ngō͘, m̄-koh thiàⁿ-sim ē chō-chiâⁿ lâng. 2 Lâng nā siūⁿ-kóng i ū tì-sek, kî-si̍t i iáu-bōe chai i eng-kai chai-.ê. 3 Thiàⁿ Siōng-Chú ê lâng chiū-sī Siōng-Chú só͘ bat ê lâng. 4 Só͘-í koan-hē chia̍h chè ngó͘-siōng ê mi̍h, lán chai sè-kan ê ngó͘-siōng lóng m̄-sī chin-.ê. Lán mā chai Siōng-Chú chí-ū chi̍t-ê, í-gōa bô pa̍t-ê. 5 Sui-jiân tī thiⁿ-téng á-sī tī tē-chiūⁿ ū hō͘ lâng kiò-chò "sîn" ê, chhin-chhiūⁿ ū chin-chē sîn-bêng, chin-chē chú. 6 M̄-koh lán chí ū chi̍t-ê Siōng-Chú, chiū-sī Thiⁿ-Pē, bān-bu̍t lóng tùi I lâi chhòng-chō, lán mā ūi-tio̍h I lâi oa̍h. Lán chí-ū chi̍t-ê Chú Iâ-so͘ Ki-tok, bān-bu̍t lóng thong-kòe I lâi chhòng-chō, lán mā thong-kòe I lâi seng-chûn. 7 M̄-koh m̄-sī ta̍k-lâng lóng ū chit-chióng tì-sek. Ū-lâng pài ngó͘-siōng koàiⁿ-sì, kàu taⁿ chia̍h hit-ê mi̍h ê sî siūⁿ-kóng sī teh chia̍h ngó͘-siōng ê mi̍h. In ê liông-sim loán-jio̍k, siūⁿ-kóng án-ne chiū hō͘ hit-khoán chia̍h-mi̍h bak-tio̍h lah-sap. 8 Kî-si̍t chia̍h-mi̍h bē hō͘ lán khah chiap-kīn Siōng-Chú. Bô chia̍h bô sún-sit; chia̍h, ū chia̍h mā bô khah lī-ek. 9 M̄-koh lán tio̍h kín-sīn, m̄-thang lín án-ne chò chiâⁿ-chò nńg-chiáⁿ ê lâng ê sìn-gióng chó͘-gāi. 10 Nā ū-lâng liông-sim nńg-chiáⁿ, khòaⁿ-tio̍h lín chiah-ê ū tì-sek ê lâng chē tī ngó͘-siōng ê biō-lāi lim-chia̍h, án-ń kám m̄-sī teh kó͘-lē liông-sim nńg-chiáⁿ ê lâng khì chia̍h chè ngó͘-siōng ê mi̍h? 11 Hit-ê nńg-chiáⁿ ê sìn-tô͘ mā sī Ki-tok thè i sí ê lâng, ē in-ūi lín ê tì-sek lâi bia̍t-bông. 12 Lín án-ne chò sī tek-chōe lín ê hiaⁿ-tī á-sī chí-mōe, siong-tio̍h in nńg-chiáⁿ ê liông-sim chiū-sī tek-chōe Ki-tok. 13 Só͘-í nā chia̍h-mi̍h ē hō͘ góa ê hiaⁿ-tī á-sī chí-mōe ê sìn-gióng siū chó͘-gāi, góa choa̍t-tùi m̄ chia̍h chè ngó͘-siōng ê mi̍h, chiah bián hō͘ in tī sìn-gióng-siōng