《聖經故事三字詩》

| | | 轉寄

2. Hoān-Chōe....犯罪

Kúi chiah chôa, phiàn Hā-oa,
鬼藉蛇,騙夏娃,

A-tong óa, iā bô khòaⁿ,
亞當倚,也無看,

Kìm-kó hián, hiáⁿ-ba̍k sian,
禁果顯,醒目先,

Chhiú koh chiān, chhùi ia̍h giàn,
手復踐,嘴亦癮,

Chia̍h liáu piàn, chhiah thé hiān,
食了變,赤體現,

Hio̍h kûn pian, jiā chōe-khian;
葉裙編,遮罪愆;

Gia̍t thian-lí, èng sûi sí,
逆天理,應隨死,

Liâng hong khí, siám khì bi̍h,
涼風起,閃去匿,

Hêng-hoat tò, choh-sit lô,
刑罰到,作穡勞,

Siⁿ kiáⁿ khó͘, chôa thoa thô͘;
生子苦,蛇拖土;

Chōe ji̍p sè, tāi-tāi ke,
罪入世,代代加,

Móa sì-kè, phiàn choân tē,
滿四界,遍全地,

Ka-kī pē, giâ tāng kê,
家己負,舉重枷,

Chû Thiⁿ-pē, ēng sin kè,
慈天父,用新計,

Iâ-so͘ chhe, tèng si̍p-kè,
耶穌差,釘十架,

Sí-bông thè, kiù-sio̍k khè.
死亡替,救贖契。