《押韻啟應詩篇》

| | | 轉寄

台語押韻啟應詩篇 79

79  A-sat ê si .

1a Siōng-tè ah , gōa-pang-lâng chìn-ji̍p Lí ê sán-gia̍p,
  上 帝 啊,外 邦 人 進 入 你 的 產 業,
  phah lâ-sâm Lí ê sèng-tiān chhiúⁿ-kiap.
  拍 垃 墋 你 的 聖 殿 搶 劫。

1b   Hō͘ Iâ-lō͘-sat-léng pìⁿ-chiâⁿ thô͘-tui, bōe-tit-thang koh kiàn-gia̍p.
    使 耶 路 撒 冷 變 成 土 堆,不 得 通 復 建 業。

2a In chiong Lí ê lô͘-po̍k ê sin-si ,
  伊 將 你 的 奴 僕 的 身 屍,

2b   Kau hō͘ khong-tiong ê pe-chiáu chòe chia̍h-mi̍h;
    交 給 空 中 的 飛 鳥 做 食 物;

2c Chiong Lí sèng ê peh-sìⁿ ê bah,
  將 你 聖 的 百 姓 的 肉,

2d   Kau hō͘ tōe-chiūⁿ ê iá-siù chia̍h kàu pá .
    交 給 地 上 的 野 獸 食 到 飽。

3a Tī Iâ-lō͘-sat-léng chiu-ûi , lâu in ê huih chhin-chhiūⁿ chúi;   
  在 耶 路 撒 冷 周 圍,留 伊 的 血 親 像 水;

3b   Ia̍h bô lâng bâi-chòng in chòe kui tui .
    亦 無 人 埋 葬 伊 做 歸 堆。

4a Goán hō͘ goán keh-piah kok só͘ lêng-jio̍k biáu-sī ;
  阮 使 阮 隔 壁 國 所 凌 辱 藐 視;

4b   Hō͘ goán sì -ûi ê lâng léng-chhiò ki-chhì.
    使 阮 四 圍 的 人 冷 笑 譏 刺。

5a Iâ-hô-hoa ah, Lí ê siū-khì beh jōa-kú , kàu éng-oán mah?
  耶 和 華 啊,你 的 怒 氣 要 偌 久,到 永 遠 嗎?

5b   Lí ê siū-khì beh chhin-chhiūⁿ hé to̍h mah?
    你 的 怒 氣 要 親 像 火 to̍h 嗎?

6a Goān Lí chiong Lí ê siū-khì
  願 你 將 你 的 怒 氣
  piàⁿ-lo̍h tī hiah-ê m̄-bat Lí ê gōa-cho̍k,
  傾 落 在 那 些 不 識 你 的 外 族,

6b   Í- ki̍p hiah-ê bô kiû-kiò Lí ê miâ ê lia̍t-kok.
    以及 那 些 無 求 叫 你 的 名 的 列 國。

7a In-ūi in thun-chia̍h Ngá-kok,
  因 為 伊 吞 食 雅 各,

7b   Hō͘ i khiā-khí ê só͘-chāi pha-hng soe-lo̍k.
    使 他 居 起 的 所 在 拋 荒 衰 落。

8a Kiû Lí m̄-thang kì-tit goán ê chó͘-kong ê chōe,
  求 你 不 通 記 得 阮 的 祖 公 的 罪,

8b   Lâi tùi goán thó chōe sio̍k-hôe.
    來 對 阮 討 罪 贖 回。

8c Goān Lí ê chû-pi kín-kín lîm-kàu goán;
  願 你 的 慈 悲 緊 緊 臨 到 阮;

8d   In-ūi goán lo̍h kàu ke̍k pi-bî ê tōe-ūi chin m̄-goān.
    因 為 阮 落 到 極 卑微 的 地 位 真 不 願。

9a Kiù goán ê Siōng-tè ah ,
  救 阮 的 上 帝 啊,      kiû Lí in-ūi Lí ê miâ ê êng-kng pang-chān goán;      求 你 因 為 你 的 名 的 榮 光 幫 助 阮;

9b   In-ūi Lí ê miâ ê iân-kò͘ sià-bián goán ê chōe lâi kiù goán.
    因 為 你 的 名 的 緣 故 赦 免 阮 的 罪 來 救 阮。

10a Siáⁿ-sū tì -kàu gōa-pang-lâng lâi kóng goán,
   甚 事 致 到 外 邦 人 來 講 阮,

10b   In ê Siōng-tè tī tó -ūi teh koán?
     伊 的 上 帝 在 哪 位 在 管?

10c Goān Lí sin Lí ê lô͘-po̍k lâu-huih ê oan,
   願 你 伸 你 的 奴 僕 流 血 的 冤,

10d   Hō͘ gōa-pang-lâng chai Lí ê put-boán,
     使 外 邦 人 知 你 的 不 滿,
    hō͘ goán chhin-ba̍k khòaⁿ-kìⁿ goán ê goān.
     使 阮 親 目 看 見 阮 的 願。

11a Goān siû-hoān ê thó͘-khùi thàu-kàu Lí ê bīn-chêng;
   願 囚 犯 的 嘆 氣 透 到 你 的 面 前;

11b   Goān Lí , chiàu Lí ê tōa koân-lêng,
     願 你,照 你 的 大 權 能,
    pó-chûn hiah-ê gí -tiāⁿ tio̍h sí ê lâng ê sìⁿ-miā kian-tēng.
     保 存 那 些 擬 定 著 死 的 人 的 性 命 堅 定。

12a Chú ah, goān Lí chiong goán keh-piah-kok só͘ lêng-jio̍k Lí ê lêng-jio̍k,
   主 啊, 願 你 將 阮 隔 壁 國 所 凌 辱 你 的 凌 辱,

12b   Ke-thiⁿ chhit-pē , kui tī in ê sin-chiūⁿ chòe kiat-kio̍k.
     加 添 七 倍,歸 在 伊 的 身 上 做 結 局。

13a Án-ni goán chòe Lí ê chú-sun,
   按 呢 阮 做 你 的 子 孫,

13b   Lí ê chháu-tiûⁿ ê iûⁿ-kûn,
     你 的 草 場 的 羊 群,

13c Beh kám-siā Lí kàu éng-oán ê sî -tāi,
   要 感 謝 你 到 永 遠 的 時 代,

13d   Beh o -ló Lí ê miâ kàu bān sè -tāi .
     要 讚 美 你 的 名 到 萬 世 代。