《生活e5台語,台語e5生活》

| | | 轉寄

終結威權陰影,發揮台灣歷史正義

台灣,我真是好字運,活tī何等民主ê時代,但是我也bat被威權ê「領袖教育」洗腦過。會記得細漢ê時chūn,tńg去厝裡向爸爸討tio̍h一百元,買ㄧ本冊,冊名:《蔣總統講故事》。想看hit當年,阮用ê《華語課本》,翻起來第七課、第八課,分別是:「國父ê故事」kap「先總統 蔣公ê故事」,(iáu tio̍h空ㄧ格)來表示尊敬。到我長大了後,讀歷史了後,chiah知影事實完全無仝,故事冊中:偉大ê蔣總統tī課本中:看tio̍h魚á逆水沿溪á而上,突發奇想beh為國民革命相差真遠,hit-ê偉大ê領袖,竟然是心狠手辣,國民革命、北伐、國共內戰、對日抗戰iáu殺無夠,戰後「台灣二•二八事件,連台灣人lóng thâi參落」chit種ê「英明領袖」,iáu需要紀念伊mah?這你我可能m̄知,台灣ê寸土,bat有jōa-chē人ê屍水、血水因為蔣中正ê殘忍、暴政之下,死tī槍下。Chit-ê槍下是不分省籍、族群,只要:「順蔣則存、逆蔣則亡」,咱常聽chit句宗教名言:「信耶穌得永生」,tī禁忌年代:「信中正得永生、m̄信者生命不保」。結果台灣卻ē-tàng為二二八加害者、元兇,立銅像、建紀念堂,對台灣人來講,人情上thài會堪得。

我有一位朋友tī今年228紀念日前,bat tī《自由時報》寫ㄧ篇文章,題為:《轉型正義講中正》:文中:伊用諷刺ê筆法講:「當咱beh受國民教育有:中正國小、中正國中、中正高中、中正大學、咱beh出國有「中正機場」,出門處處是中正路,出去sńg,有中正公園。」如今,機場已經改成做「台灣桃園國際機場」,如今:政府koh進一步將中正紀念堂改成「台灣民主紀念館。」這tī歷史上何其有意義,台灣逐步揮別「威權體制」所留落來ê陰影。解嚴到taⁿ已經二十年,tī政治上,咱有民主ê成就,但是威權陰影iáu-kú如影tòe形。

因此,台灣民主紀念館(前中正紀念堂),koh無拆除,只是將名字koh-khah名正言順,為何講是「名正言順」?每一pái ê任何遊行、示威,m̄是lóng tī chia地方聚集出發mah?所以:這是民主園地,什麼聲音lóng ē-tàng包容,因此,名正言順ê正名為「台灣民主紀念館」,是台灣暨台灣桃園國際機場了後,siōng有意義ê正名運動。

請各位伙伴tio̍h理性去思考台灣歷史問題,koh來解釋「中正紀念堂」有必要存在mah?我只知影,全世界無一個國家像台灣仝款,kā「加害者」the̍h來供奉。因此「國家beh-ài進步,台灣無ài行回頭路」,tio̍h tùi去「神格化」、「陰間領袖化」開始著手。難免有一點衝突,但是轉型正義勢在必行,台灣chiah有好將來。