《生活e5台語,台語e5生活》

| | | 轉寄

Chhōe回失樂園

今夏八月莫拉克風颱帶來八八大雨ê第三工8月11日,我因家喪回台,適時見證了台灣世紀大水災,to̍h是即刻組隊參與救災並親身訪問收容所。台灣宣教基金會除了金錢支援kúi-nā個災區,mā答應幫助失去家園ê那瑪夏民族村ê孩童青年教育費kap在校午餐,hō͘ in ē-tàng安然度過chit段流離失所期間ê就學問題。

Kap台灣眾同工探視災情siōng嚴重ê高雄縣山區,目擊土石流掩埋ê現場、沙石堆高推寬ê溪豁、筍叢倒地剝離ê山坡…..差不多無一個山á是完整ê。因山崩入谷阻斷水流而成ê堰塞湖不斷增加。In一旦潰堤,下游村鎮koh將大難臨頭。這是我每日siàu念ê美麗故鄉mah?心中phi̍h-phi̍h-chhoah,目屎含teh:「美麗ê台灣無koh美麗」,阿里山ê姑娘無koh大聲唱:高山青,澗水藍....」。台灣人民長年來快樂起居ê樂園 toh去ah?

台灣宣教基金會兩項siōng重要ê策略是:僑居社區kap台灣本地雙管齊下、慈善kap宣教—疼ê誡命kap大使命同時並行。阮主張福音tùi疼心著手,hō͘人認bat上帝是疼ê源頭。Beh chhōe回失樂園首先需要來自上帝hit-ê無私ê「疼」。朋友,咱同齊來努力宣教到tī台灣ê山尖海角,hō͘人人心中有疼,疼上帝,疼人民,疼土地!相信咱必定ē-tàng重見山水ê美,並且重新享受故鄉田園之樂。虔誠祈禱上帝眷顧台灣bē放sak台灣人民,阿們!

歡迎上網瀏覽「台灣宣教基金會(TMF)」ê網址
http://taiwanmissionfoundation.org/
(原載台灣宣教基金會通訊第三期,2009.11)