《生活e5台語,台語e5生活》

| | | 轉寄

「我真想你」(Elina)影評

導演:卡拉斯.哈洛
編劇:謝爾.松德斯泰特
演員:娜塔莉.明尼、比比.安德遜、亨利克.拉斐森
製作:Filmlance International AB/Filmpool Nord AB

   芬蘭kap瑞典做厝邊,但芬蘭一向處tī弱勢,受tio̍h瑞典文化ê強勢罩tiâu。本片以瑞典境內芬蘭裔ê九歲女童伊莉娜(Elina)為主人翁,探討兩國之間ê文化互動kap民族尊嚴,是一部略á有政治性ê兒童電影。伊由芬蘭kap瑞典兩國聯合攝製,瑞典編劇執筆,芬蘭導演掌舵,則明顯有反省歷史衷誠合作ê用意。

   劇情背景是1952年ê兩國邊界小鎮諾博騰,芬蘭女童伊莉娜(娜塔莉.明尼飾)肺病tú好,tńg來到學校上課。校長朵拉.荷姆(比比.安德遜飾)正是伊莉娜班上ê老師,伊採取強勢ê態度教學生講純正ê瑞典語,不准同學tī班上講芬蘭語。芬蘭同學安東低聲用母語向伊莉娜發問,竟被懲罰中晝bē-sái食飯。伊莉娜不忍心安東被罰,chiông án-ne kā家己ê湯讓hō͘伊,但hō͘朵拉制止,而且罰伊莉娜一定ài lim完家己ê湯chiah ē-tàng離開餐廳。伊莉娜認為家己無做錯,拒不屈服,師生之間ê鬥爭jú來jú白熱化。

  新來ê年輕瑞典教師伊納.畢約(亨利克.拉斐森飾)無想beh tāi-chì鬧僵,企圖用人性化ê手法勸服伊莉娜tńg去餐廳食飯,mài弄壞身軀,但朵拉堅持ài伊莉娜向伊道歉,gín-á氣ê倔強態度一屑á to無輸hō͘九歲ê小女孩。始終無妥協ê伊莉娜歡喜行到沼澤地帶向伊深愛ê亡父傾吐秘密心情,有一工差不多被困沼澤ê泥沼中無法度脫身,佳哉有母親kap伊納合作將伊救出。Chit時伊莉娜chiah明白家己對父母ê誤解,á朵拉也tī全校同學支持伊莉娜m̄食飯ê強大民意壓力下,先向伊莉娜àⁿ頭認錯,化解了chit兩個「倔強女子」之間ê理念kap性格之爭。

   編導用「語言政策」作為chit-ê故事ê切入點,描寫處tī強勢ê瑞典人不該用高壓手段強迫芬蘭人向in ê文化投降,儘管in認為是出tī一片好意,只是想beh增加芬蘭裔學生ê競爭力。朵拉校長kah-ná是用一種像傳教士ê使命感來教化伊眼中ê「低等民族」,因此tī執行ê過程中完全不顧對方ê自尊。偏偏伊莉娜又koh是一個歡喜活tī家己想像世界ê固執女孩,硬是m̄食朵拉hit套冷酷無情ê教育方式,因此戲劇性ê鬥爭便真自然tek jú演jú烈。編導聰明安排了軟弱ê伊莉娜妹妹kap開明派教師伊納,tùi邊á烘托]劇情ê發展,hō͘ chit部故事簡單卻主題鮮明ê文藝小品,增加了立體感,尤其是伊納tī匆促中拆掉朵拉辦公室中ê教學目標烏板,用作tī沼澤中拯救伊莉娜脫險ê踏板,象徵意義ê表達koh-khah屬高明。

  整部影片tī風光如畫ê瑞典鄉間拍片,映像效果hō͘人感覺相當爽快。挑大樑ê童星娜塔莉.明尼演得真有個性,反倒tńg kā bat是英瑪伯格曼愛將ê資深女演員比比.安德遜俯首稱臣。頭一pái導演劇情長片ê卡拉斯.哈洛手法純熟,雖然tī處理最後ê大和解場面有欠自然,但也瑕疵無蓋過優點。

其實看完此片ê siōng大感慨,是伊ê歷史背景kap臺灣國民政府當局tī 1950年代刻意打壓閩南語,不准gín-á tī校園講母語,否則便遭遇懲罰ê歷史,竟然真奇妙kah相類似,但多年來卻看bē-tio̍h「愛臺灣」ê導演,tī咱ê國片中對這提出抗議或批判,kám講咱chia ê電影創作對「反省歷史」患了冷感症?

(譯自:「遠流博識網-梁良論影」
http://www.ylib.com/movie/liang-4.htm