《台灣布袋戲e5歷史》

| | | 轉寄

關廟玉泉閣派

玉泉閣緣起,是臺南關廟黃添泉(1911-1978)開創ê。

黃添泉ê父親黃春源原本為引戲ê班長,後來家己出資整籠。黃添泉十三歲就能擔任主演,有「仙仔師」ê雅號,後來正式拜師朴子「瑞興閣」陳深池,據講僅習藝二十七天而已,可講相當天chiah型ê主演。陳深池可講是南臺灣閣派ê宗師,除了黃添泉之外,屏東「全樂閣」鄭全明、麻豆「聯興閣」胡金柱、台南「興旺閣」楊金木、「天天興」鄭能波等,lóng是出自伊ê門下。

戰後布袋戲界所謂ê「五大柱」:「一岱、二祥、三仙、四田、五藏」,指ê是虎尾五洲園黃海岱、西螺新興閣鍾任祥、關廟玉泉閣「仙仔師」黃添泉、麻豆錦花閣「田師」胡金柱、屏東東港復興社ê「藏師」盧焜義。黃添泉專精武打戲,將南臺灣盛行ê宋江陣武打招式融入表演當中,普獲好評,而「關廟仙仔師」之名也響遍臺灣各地戲園。

關廟玉泉閣派承傳kap分佈
玉泉閣興盛之時,也分為二團:一團由伊ê兒子黃秋揚主掌;二團由伊ê姪子黃秋藤擔任主演。黃秋揚是伊最得意ê掌中技藝接班人,有「武戲霸王」ê雅稱,可惜三十二歲英年早逝。

「玉泉閣二團」黃秋藤,則tī戲園布袋戲ê舞臺上闖出一片天地。伊tī師傅傳授ê武戲基礎,koh加上劍俠小說,而創造出膾炙人口ê《三雄二俠女》。1970年iáu bat經tī中國電視公司演出《楊州十三俠》、《武王伐紂》。黃秋藤傳徒甚廣,其中最重要ê便是「美玉泉」黃順仁,早年伊以自編ê金剛戲齣《胡奎賣人頭》馳名南臺灣,後來接續黃秋藤tī中視演出《無情劍》。