《台語荒漠甘泉（全羅版）》

"Sin-oan"

作者 陳清俊 翻譯

listen

Jī ge̍h chhoe-cha̍p (Jī ge̍h cha̍p ji̍t)

"bo̍h-tit ka-kī sin-oan," (Lô-má 12:19)
Ū chin chōe sî-chūn, beh pó-chhî chēng-chēng m̄ kóng ōe, pí jīm-hô ê hêng-tōng, sī su-ìau koh khah tōa ê gē-le̍k kap íong-khì. Pó-chhî pêng-chēng, bô sīu gōa-lâi ê éng-híong sī sīong tōa le̍k-līong ê píau-hīan. Chú Îa-so͘, tngg tú-ti̍oh sīong ok-to̍k, sīong tì-mīa kong-kek ê sî, I pó-chhî chēng-chēng, m̄ kóng chi̍t-kù ōe. I ê an-chēng só͘ hoat-chhut ê le̍k-līong, hō͘ tāi-chìong, kap khòng-kò ê, lóng khí kiaⁿ. I tùi ke̍k-tōa ê lêng-tī, sīong chân-jím ê tùi-thāi, lóng sī bô pòaⁿ siaⁿ, pó-chhî tīam-tīam. Kìⁿ-nā sīu kè bô kong-pîⁿ ê khòng-kò, put-pêng ê thāi-gū ê lâng, lóng chai pó-chhî an-chēng bô chhut siaⁿ, hō͘ Sīong-tè khì sin-oan, sī su-ìau ke̍k-tōa ê gē-le̍k.

Lâng beh gō͘-hōe,
Chhē khang-phāng teh hoe,
Kóng lí chhò kàu té;
Pó tīam-chēng bô hôe,
Sím-phòaⁿ-koaⁿ sī Ki-tok, m̄-sī in teh chòe,
Bo̍h-tit kiaⁿ, kian-kîong sī pó-pòe.

Sù-tô͘ Pó-lô kóng, "Nā-sī góa bô li̍ah sìⁿ-mīa chòe ìau-kín," (Sù-tô͘ hēng-tōan 20:24) chīu-sī "bô chi̍t hāng sū ōe kā góa îo-tāng". I bô kóng "bô chi̍t hāng sū ōe hō͘ góa siong-sim." Siong-sim kap bô îo-tāng sī ū tōa-tōa ê cheng-chha. Sèng-keng kì-chāi, Pó-lô ēng un-jîu ê sim lâu ba̍k-sái, ( Sù-tô͘ hēng-tōan 20:19, 31) eng-hîong bô khin-ī lâu ba̍k-sái. Sèng-keng īa kóng, "Îa-so͘ lâu ba̍k-sái." (Iok-hān hok-im 11:35) I sī íu-sú í-lâi sīong kian-kîong ê lâng.
Pó-lô tùi chòe tāi-chì bô li̍ah sìⁿ-mīa chòe ìau-kín, bô khòaⁿ sè-kan ê mi̍h chòe pó-pòe, īa m̄-kiaⁿ tàⁿ jōa tāng. Chí-ū chi̍t hāng i koan-sim chīu-sī tùi Ki-tok tiong-sim, só͘ chòe lâi hō͘ Ki-tok hoaⁿ-hí. Pó-lô pí jīm-hô chi̍t lâng, khah thé-gīam ti̍oh, chòe Ki-tok ê kang sī i tē-chīuⁿ ê pò-síuⁿ, tit-ti̍oh Ki-tok ê hoaⁿ-hí chiah sī i thiⁿ-ni̍h ê pò-síuⁿ. --- Margaret Bottome

附註:《荒漠甘泉》漢羅版kap "Hong-bô͘Kam-chôaⁿ"全羅版附CD，由人光出版社出版，歡迎洽購(06-235-6277分機(122~124) ， e-mail:book@pctpress.com.tw