《宋澤萊新著《天路拾穗》TOJ/台灣字版》

 | | | 轉寄

Chútê 11：Lâu Iāukéng kah Sòng Te̍klâi tī tiānōe tiong chòhóe kóng honggiân（lênggí）ê si̍thóng kìsu̍t!

作者 Sòng Te̍klâi 2026.04.12

Tējī pō͘ Sènglêng koànak
Chútê 11：Lâu Iāukéng kah Sòng Te̍klâi tī tiānōe tiong chòhóe kóng honggiân （lênggí）ê si̍thóng kìsu̍t!

Ta̍hōethâu：Lâu Iāukéng kîsi̍t sī chi̍tê sìngióng ê kochhiú, tng góa tī tiānōe tiong kiò i ēng kín kah bô hoattō͘ kohchài kín ê soktō͘ liām"Halélú'iah"chit sì jī ê sî, kiatkó tī 5 hun cheng kú lāi, i to̍h kóng chhut sio liânsòa ê chi̍h im honggiân, kah itpoaⁿ lâng ittēng tio̍h liām 5 nî á sī 10 nî ê"Halélú'iah"chiah kóng chhut honggiân bôkâng. Che sī Sènglêng hō͘ i te̍kpia̍t ê ê insù, sī phiauchún ê siū Sènglêng ê sé à. Íāu tongjiân iáu ū koh khah chē sio̍klêng insù ê tōlō͘ ài kiâⁿ. I tī ētàng kóng honggiân liáuāu, kah chìnchêng kahná sī nn̄gê lâng, tùi SiōngChú ê jīnti chhuhiòng chhimò, góa lóng kiôngbeh tòe i bē tio̍h à. Kámsiā SiōngChú, che lóng sī inūi goán phahpiàⁿ oló SiōngChú ê kiatkó, tng lán ēng"Halélú'iah"lâi oló SiōngChú, SiōngChú to̍h ēng I ê insù lâi oló lán, I éngoán bē hō͘ lán chia̍h chi̍t tiámtiám’á khui!

Ēkha to̍h sī i ê si̍thóng kìsu̍t. Tī bûn tiong i itti̍t kóng góa sī"tāisu", si̍tchāi sī tamtng bēkhí lah. Tùi Kitokkàu ê pahpah chióng, góa kîsi̍t kantaⁿ chaiiáⁿ chin chió ê kúiê tiōngtiám, chhinchhiūⁿ kóng iáu sǹg ētàng chaiiáⁿ"ánchóaⁿ sìn Iésu","ánchóaⁿ kóng honggiân","ánchóaⁿ tuikiû Sènglêng éng chū tī sengkhu ni̍h","ánchóaⁿ jīnchōe hóekái","ánchóaⁿ tit tio̍h éngoán ê sèⁿmiā", kîtha chaiiáⁿ bô chē. Kiongchhong chin tōa, lán tùi thiⁿténg ê tāichì, chóng sī í koán kui thiⁿ, só͘ ētàng chaiiáⁿ ê m̄sī chhonghái chi̍t chhek. Só͘í i bûn tiong chheng góa ūi"tāisu"chiū kā i tòngchò kóng chhiò, bētàng tòngchò chin ê. Ēkha to̍h sī Lâu Iāukéng ê kìsu̍t,

※ Thâu chi̍tpái chaiiáⁿ "Sòng Te̍klâi" ê sî, góa teh tha̍k koktiong itnî'á.

Tī Sūlîm ê chhehtiàm, bé tio̍h i ê kengtián siósoat chokphín chi̍p " phah gû Lâm chhoan ". I te̍kiú ê Tiongbûn Tâigíbûn khipín la̍t, hō͘ góa àiput-sekchhiú（àiput-sekchhiú）, Pài la̍k kah Lépàiji̍t nn̄g kang, to̍h kā kui pún chheh tha̍k oân.

Keh chiu chokbûn khò siá tha̍kchheh simtek, góa to̍h the̍h “Phah Gû Lâm Chhoan” chò chútê, honghù bêng khoài koh liânsòa puttoān siá káu ia̍h. Kau oân chokbûn bô gōa kú, to̍h hō͘ lāusu kiò khì pānkongsek kàuhùn kóng, "Khòaⁿ chit chióng lông-kang kânglō͘ lâng ê siósoat, lí kám sī oa̍h kah simhoân?"

Kúi nî liáuāu, góa tùi Siâmchong sánseng hèngchhù, oa̍ttho̍k sèng giâmhoat sai ê tùchok, kiaⁿhí hoatkiàn, Sòng Te̍klâi siansiⁿ mā tī lông siân sī siu siân si̍p Pu̍t. Jiânāu i ê chokphín " Pī Pōepoān ê Hu̍ttô ", hō͘ góa tōa khui gánkài.

50 hòe hit nî, góa ê khapō͘ kiâⁿ tńglâi kàuhōe. Tī bīn chheh ê PO bûn tiong, kohchài kah Sòng tāisu hōeha̍p. I chá to̍h siūsé kui Chú, bûn hong chiamlāi, tú chhinchhiūⁿ hit tngnî. Inūi sìngióng, jīphāng lāi liûlō͘ koh khah chē konggī kah pibín.

Góa chiū ánne kah Sòng tāisu chiâⁿchò bīniú.
Thàukòe kúi pái ê tiông tâm, góa chiah hoatkiàn, tī lán ê tiōngiàu jînchè siōng, ū itpoaⁿ lâng bô hoattō͘ siongsìn ê kau chi̍p. Sīmchì tī sìngióng honghiòng, mā ū chin chē lūisū. M̄koh, kîtiong ê chhimtō͘, khiok sī chha tōabé.

Sìngióng lō͘tô͘, Sòng tāisu sī chi̍t pō͘ chi̍t kha ìn teh chhimji̍p thiauchiàn hoánséng. Á góa khiok sī chi̍tlō͘ khòaⁿtang-khòaⁿsai, kahná sī se̍h iā chhī itpoaⁿ ê huchhián bô tāichâi.

"Honggiân kîtó" chitê chútê, tāisu tàṳú huisiông to̍kiú te̍ksû ê simtek kah niásiū, á góa khiok the̍h chitê chhiaukòe góa ētàng líkái thêngtō͘ ê insù, khì kah sînkùn tângki sio píphēng, sīmchì tùichhùi-siosià. Kehlī tiānōe tâng, tāisu jím bētiâu hongchà kóng góa ê thāitō͘ bûti hiaupai, góa hit tongsî hôetap kóng,"kok lâng chhùkéng bôkâng, jînsim hiámok, kok ū théhōe …… tāisu khióngkiaⁿ hoánèng kòehūn!"

Kámsiā SiōngChú ê tòaniá, tāisu tàṳú chhiaukòe góa sióngsiōng ê pauiông kah nāisim. Góa kèsio̍k puttoān pe̍hba̍k kah tāisu thêmn̄g, tāisu kèngjiân mā bô hiâm mâhoân, ta̍k jī kā góa kàutō káihe̍k.

He sī chin te̍kpia̍t ê chi̍t kang, tī tiānōe lāité, tāisu ài góa ti̍tchiap tòe i chhùichi̍h ê lu̍ttōng liāmsiōng"Halélú’iah"chit sì jī, jîchhiáⁿ chhiauoa̍t i ê soktō͘.

Tāisu kèngjiân chhinsin kà góa kóng honggiân!
Tú khaisí, chhùi ni̍h itti̍t teh liām"Halélú’iah", simlāi khiok teh siūⁿ, ánne lo̍hkhì, ánchóaⁿ ē ū chhutthâu; m̄koh kámliām tāisu ê jia̍tsim, góa ánchóaⁿ hóì su tongtiûⁿ hoah thêng.

Tāisu puttoān teh chhuipek,"Khah kín chi̍t tiám'á ……khah tōasiaⁿ chi̍t tiám'á ……."

"Halélú’iah", kèngjiân tī chhùiphóe ni̍h kô͘ chò chi̍t thoân, chhùichi̍h sùnkan khí môa, chhùichi̍h kāim bô bêng, góa kiaⁿ kah kámkak tāichì ū kóa bô sùsiông.

Hit kóa goânpún tī chhùi ni̍h, kô͘ chò chi̍t thoân ê imchat, khaisí hoatchhut kuilu̍t ê"tit tit tit ……"ê siaⁿim. Góa ū siūⁿ beh hō͘ chhùichi̍h tòng khílâi tiāmkhì. M̄koh hitê koàikî ê lêngliōng, kèngjiân iū koh choánhòa chiâⁿchò "khahlahkhahlah" ê siaⁿim, soktō͘ chiatchàu jú lâi jú kín, sīmchì chhiaukòe gōabīn tng teh ó͘ tiámaka lō͘bīn ê mó͘tah siaⁿ.

Góa kùchāi góa chhùichi̍h"kakī tōngchok", tāisu kiông koh ū la̍t ê honggiân kîtó ê siaⁿim, koh kasok hit chióng góa chêng kàu taⁿ m̄ bat thégiām kòe ê lu̍ttōng.

Góa m̄ kam thêngchí, chhùichi̍h ke̍klia̍t chùn tāng, khoàisok tńg oan ê sî, iáu ētàng hàiⁿ bóe kasok.

Á góa lísèng chânbīn ê jīnti, khiok chhinchhiūⁿ chi̍tê tāichì kah kakī bô koanhē ê kòelō͘ lâng kah it, lâng chiū ánne gāng khì, pôngkoan che itchhè kîbiāu ê chokûi.

Tiānōe tâng hit thâu, thoân lâi tāisu pekchhiat ê hôeèng :"sī lah, sī lah…… che to̍h sī lah……!"

Chhùichi̍h hiônghiông thêngchí liáuāu, góa chhoán kah, kahná sī kengle̍kkòe chi̍t tōaⁿ tn̂g kiā pho ê thihbé kasok. Góa thiaⁿ bat tāisu ê"che to̍h sī lah!", m̄koh góa iáu sī apchè bē tiâu túchiah sio liânsòa ê kiaⁿkî.

Nn̄g kógoe̍h kòekhì à, góa chiàu tāisu ê kàutō, ta̍k ji̍t chò honggiân kîtó chhauliān, chiâⁿsi̍t sī chho͘ tam tio̍h giângí bô hoattō͘ oânchoân hêngiông ê chubī. M̄koh, bīn tùi honggiân ê òpì, góa iáu sī tàṳú ta̍h bē tio̍h té, bong bē tio̍h piⁿ ê simhi. Nāsī teh mn̄g siáⁿlâng ēhiáu kóng honggiân, góa khéngtēng iáu sī m̄ káⁿ gia̍h chhiú.

M̄koh góa siongsìn, honggiân kîtó sī chi̍t chióng chiàⁿbīn lêngliōng ê lúichek. Lêngliōng tangsî choánhòa? Ánchóaⁿ chokiōng? góa simlāi iáu sī móamóa giâugî, m̄koh góa bô suiàu kohchài mn̄g. Inūi sìn, góa kîtó, kā itchhè chhiaukòe góa só͘ kiû só͘ siūⁿ ê niásiū, choânpō͘ kau tī SiōngChú ê chhiú.

──2023, 04, 29 tah tī "Kitokkàu Thongsìn"