《巫義淵台語常用字》

 | | | 轉寄

常用字_30....「和」

作者 巫義淵 2013.02.03

和有三个讀音：1.*hô (何) 2.hō (號) 3.hê (兮)。

講華語的人多數攏會曉用，不過，華語佮台語有一點仔無共，華語其中的一個(hán) 的音是新發明的。台語真少聽人會曉使用這字的三个音，親像和平、和尚這兩句較有人咧講，另外hō (賀)的音就較無人使用。第一個讀音：hô、是本音。是柔順，適中，協調。例如：和氣[hô-khì]，和睦[hô-bo̍k]。第二個讀音：hō、是相應的聲音。例如：附和[hù-hō]，唱和[chhiòng-hō]。第三個讀音：hê / hôe、是出家人的稱呼。例如：和尚[hê / hôe-siūⁿ]。

重點字詞：
【和】1.hô (河) 2.hō (賀) 3.hôe (回)。
【和平】[hô-pêng] (河朋)。
【和韻】[hō-ūn] (賀運)。
【和尚】[hôe-siūⁿ] (回想)。hôe=hê。

用例：
【和平】[hô-pêng]相處是正常人類所追求的目標，在極權國家所認知的，就是侵犯別人來滿足家己，in 的和平觀念是，投降我、歸順我就是和平，in 的擴權看法是，有武力就有權利，所以in 不免選舉，不免百姓同意，亦不免百姓支持，因為百姓只是in 鬥爭的工具，百姓只是in 勞役的奴才。人若生活佇極權國家，就是會即呢痛苦、即呢無自尊。台灣內底嘛有真濟這款愛別人來扑咱，向望別人來奴役咱的人，in 干乾會曉【附和】[hù-hō]敵人來欺壓台灣人，交結【和尚】[hê / hôe-siūⁿ]來欺騙台灣的一寡戇大懛，想欲用按呢來完成in 的總統夢！