《巫義淵台語常用字》

 | | | 轉寄

常用字_06....「相」

作者 巫義淵 2012.01.08

相 siong 有五个讀音：1.*siong (商) 2.siòng (相) 3.siuⁿ (箱) 4.siùⁿ (相) 5.saⁿ / sio (衫 / 燒)。ㄒㄧㄤ

(1).siong ：
【相】[siong](1).siuⁿ 的文音。(2).彼此、互相。例：相會。相信。
【相當】[siong-tong] 抵好，平棒。
【相關】[siong-koan](1).互相有關聯。(2).彼此有關係。
【相信】[siong-sìn] (1).互相有信賴。(2).對事物有信心。
【相對】[siong-tùi]有比較關係的兩對立事項。
【相繼】[siong-kè]相隨繼續的意思。
【相處】[siong-chhù] 做伙。
【相似】[siong-sū]相類似，指真相共的款式。
【相反】[siong-hoán] 佮原意相對反。
【相近】[siong-kīn/kūn]互相真接近。
【相應】[siong-èng]互相照應。
【相對人】[siong-tùi-jîn]訴訟兩造稱為相對人。
【相對論】[siong-tùi-lūn]兩個基本假設為基礎所建立的理論。
【相對溼度】[siong-tùi sip-tō͘]空氣中所含水蒸氣之分壓佮此溫度下水之蒸氣壓的比值百分率。
【相對所得】[siong-tùi só͘-tek]個人所得的水準，佮別人所得水準的一種相對比較狀態。
【相提並論 siong-thê pèng-lūn】將兩個人抑是兩項事誌同時提出來講。
【相去無幾 siong-khù bû-k2】相差無若濟。
【相去萬里 siong-khù bān-lí】相隔規萬里遠。形容：距離真遠。
【相安無事 siong-an bû-sū】大家攏和平共處，無發生事端。
【相形之下 siong-hêng chi-hā 】互相比較之下。
【相形見絀 siong-hêng kiàn-choa̍t 】互相比較起來，就會當看著那一面較歹。
【相依為命 siong-i ûi-bēng 】互相依賴來過生活。
【相持不下 siong-chhî put-hā】互相堅持，攏無欲相讓。
【相敬如賓 siong-kèng jû-pin 】互相親像賓客相待。形容：翁某互相尊重，和諧美滿的款。
【相對無言 siong-tùi bû-gisn5/gân】相對面無講話 ; 比此心情沉重的款式。
【相逢何必曾相識 siong-hông hô-pit cheng siong-sek 】同是天涯淪落人，相逢何必曾相識。
【相識滿天下，知心有幾人 siong-sek boán thian-hā, ti-sim iú kí-jîn】雖然朋友非常濟，但知己的到底有幾個?

(2).siòng ：
【相】[siòng](1).看，審視、觀察。例：相親，相相。(2).官名。例：宰相。
【相機】[siòng-ki ](1).觀察適當的時機。(2).指翕相機。
【相聲】[siòng-seng]兩個人用答嘴鼓的方式表演講話的奇巧(華語)。
【相親】[siòng-chhin ]青年男女結親前互相對看。
【相士】[siòng-sū]替人看命的從業者。俗稱：相命先。
【相公】[siòng-kong]對宰相的稱呼。
【宰相】[cháiⁿ-siòng]受命掌管國務的官。類似現此時行政院長。
【變相】[piàn-siòng ]指人的性地變kah足古怪的款式。
【儐相】[pìn-siòng ](1).輔助主人行禮接待人客的人。(2).佇婚禮中的伴嫁、伴娶。
【相準準】[siòng-chún-chún ]看了真對tâng ê意思。
【注注相】[chu-chu-siòng]看到目睭攏無nih ê款式。意思類似親像華語ê「痴痴的看」。
【相夫教子 siòng-hu kàu-chú】指婦人人幫丈夫教育子女。
【相時而動 siòng-sî jî tōng】看情形來決定採取行動。
【相時制宜 siòng-sî chè-gî】視當時ê需要來制定適當ê辦法。
【相機行事 siòng-ki hêng-sū】觀察適當ê時機來做tāi-chì。

(3).siu ⁿ ：
【相】[siuⁿ]想念過去。亦作想。
【相思】[siuⁿ-si]互相想念往過。一般攏用tī男女愛情。作想思。
【相思病】[siuⁿ-si-pēⁿ/pīⁿ]因為思念過度所引起ê精神身體不適。
【相思樹】[siuⁿ-si-chhiū ]樹名：「Acacia」喬木類，栽培做行道樹。柴會當燒火炭。

(4).siùⁿ ：
【相】[siùⁿ](1).形體，款式。例：舊相，新相。(2).副詞，稱呼。例：相公，生相。(3).字姓。
【相公】[siùⁿ-kang ]古早婦人人對家己丈夫ê稱呼。註：有兩種讀音表達意義無仝。
【生相】[seⁿ/siⁿ-siùⁿ ]古早相命仙、用十二種動物來簡化十二地支，使俗人容易記憶。例：十二生相。
【樣相】[iūⁿ-siùⁿ]款式。例：好樣相，歹樣相。例：看hit寡人ê樣相，就知影m̄是甚麼好物。
【鄙相】[phì-siùⁿ]看人低賤，抑是用話來罵人低賤的意思。例：伊足gâu鄙相人。

(5).saⁿ/sio ：
【相】[saⁿ/sio]雙方，互相。例：相打，相戰。
【相相】[sio-siòng]你看我，我看你，雙方互相注視ê款式。例：兩個人站 hia 相相。
【相識】[sio-bat]互相有熟似。
【相知】[sio-chai] 互相了解。
【相罵】[sio-mē/mā]雙方爭吵，惡言相對ê意思。
【相扑】[sio-phah]互相動手開扑，扑來扑去的意思。
【相戰】[sio-chiàn]雙方發生戰爭。
【相招】[sio-chio]互相相約。例：相招去遊覽。
【相辭】[sio-sî]互相辭別。例：來無通知，去無相辭。
【相比】[sio-pí]互相貴俗、高低、優劣、好歹相比並。
【相告】[sio-kò]互相訴訟。
【相拚】[sio-piàⁿ]互相競技，抑是比高低。例：兩爿例相併。
【相偃】[sio-ián]人kap人相偃，類似柔道、相撲ê款式。
【相咬】[sio-kā](1).指雙方遇著事誌互相推予對方。(2).指動物禽獸互相扑。
【相推】[sio-the]指雙方將責任推來推去。
【相讓】[sio-niū]互相節制禮讓。例：相讓食有剩，相爭食無份。
【相輸】[sio-su]互相較輸嬴ê意思。例：相諍不曾輸，相輸不曾贏。
【相觸】[sio-tak](1).指牛咧相扑。(2).指雙方咧 khê-khang鬥爭。例：兩爿teh相觸。
【相裮】[sio-moa]指兩個人親密，行路ê時互相將手跨tī肩胛頭頂。
【相續】[sio-sòa]相聯接ê意思。例：相續到。一個一個相續來。一陣一陣相續去。
【相接】[sio-chiap]相連做伙ê意思。
【相連】[sio-liâm]相連接ê意思。
【相勸】[sio-khǹg]互相苦勸對方。例：兩個人做伙攏會相勸。
【相蜵】[sio-khiú]指蜵來蜵去。kap華語ê(拉扯)相仝。
【相共】[sio-kāng]共一款模樣ê意思。例：兩款無相共。
【相仝】[sio-kâng]共一款模樣ê意思。例：兩項攏相仝。一曰：saⁿ-tâng。
【相搶】[sio-chhiúⁿ]兩個人、抑是真濟人teh爭物件。例：大家買kah相搶。
【相尊重】[sio-chun-tiōng]互相尊重對方ê意思。
【相依賴】[sio-i-nāi](1).互相依賴對方，指有互動關係。(2).指相依為命。
【相替換】[sio-thè-ōaⁿ]互相輪流。
【相傍力】[sio-pⁿ-la̍t]互相集中力量。一曰：相食向[sio-chia̍h-ǹg]。例：相傍力(相食向)加足勇。
【相借問】[sio-chioh-mn̄g]指互相問候。例：透世人見面m̄曾teh相借問。
【相接腳】[sio-chiap-kha]指另外一個tú-chiah離開。例：抵á相接腳，你續遇無tio̍h。
【相chhōa行】[sio-chhōa-kiâⁿ]互相tàu陣行。
【相親像】[sio-chhin-chhiūⁿ]足相仝ê意思。
【相看樣】[sio-khòaⁿ-iūⁿ]互相相學ê意思。例：有樣看樣，無樣家己想。
【相牽手】[sio-khan-chhiú]互相手牽做伙。
【相接接】[sio-chih-chiap ]互相聯絡接洽ê意思。
【相挨相推 sio-e sio-the】就是互相推責任ê意思。
【相挨相夾 sio-e sio-kheh 】指人真濟、真鬧熱ê款式。
【相罵無好話 sio-mē/mā bô hó-ōe】冤家ê時罵出來ê話一定真歹聽。
【相扑恨無力 sio-phah hīn/hūn bô la̍t】指冤家相扑一定會出大力扑對方。

註：頂下兩句合起來成做一句俗語：意思是指，雙方互相無好意，講話一定會較重較鹹。用按呢來勸人息事寧人，互相mài計較。