《蘇老師 ê 台語教室》

 | | | 轉寄

陳金木

作者 蘇晏德ê學生 2016.11.20

金木外號叫永成~岡山
松年大學的學生
做人知足性安靜
做事認真有真誠
愛食水果愛旅行
歡喜助弱真勇猛
人緣真好受歡迎
一生拍拚求功名

美麗寶島~陳金木

美麗寶島世界島
麗島形影人呵咾
寶島人民骨力做
島上自由生活好

松年大學~陳金木

長老教會設松大
教導技藝造福大
增進年長心擴大
學藝歌唱樂更大

做田心聲~陳金木

炎炎日頭曝昏頭
頭戴瓜笠遮日頭
認真thóaⁿ草汗若流
做田艱苦吞落喉
有時無雨曝日頭
看天食飯目屎流

炎炎天~陳金木

大大日頭炎炎天
逐家攏咧吹冷氣
毋驚日曝做田去
做田需要有勇氣
為著豐收潦落去
曝甲烏烏算啥物

孤鳥~陳金木

一隻孤鳥歇佇遐
只有聽著伊叫聲
一時揣無伊的伴
啼啼哭哭動心肝
引我想起親爹娘
想欲有孝無佇遮

人生觀~陳金木

日落西山人未老
利用時間四界走
毋通等甲跤袂走
予人挾咧才來吼
為著健康莫傷操
時間永遠是袂留