《蘇老師 ê 台語教室》

 | | | 轉寄

夢境

作者 呂王真 2024.01.21

夢境 呂王真
我有一段一生無法放bē記，不可思議ê代誌竟然發生tī我ê身上，我出世tī
一ê大家庭--裡，兄弟姊妹有十一ê，我排最後一ê，當我十五歲hit年我ê三
嫂生第五胎ê時陣，當時落大雨無去病院也無叫產婆，囡仔生出來了後突然
大出血最後離開世間，留落五ê細囝一ê十歲一ê tú出世，五ê囡仔著hō͘我
kah阿娘來照顧，到一年後有一暝我半睡半醒ê時，我聽著客廳ê門一聲開門
ê聲音，也有跤步聲行入房間，又有聽著開房門ê聲，一下仔閣聽著跤步
聲，一步一步行到我ê床頭就坐落來，手提一杯水著對我講：細漢姑這杯水
hō͘你啉，我ê手kah伊ê手有接觸著，竟然是冰--ê，然後伊閣轉去伊ê房
間，當時我驚kah走去阮四嫂ê房間bih--起來，猶有一擺我捾菜籃仔去挽敏
豆仔，三嫂閣來ah，伊提敏豆khǹg tī我ê手，我ê手摸伊ê手也是冰--ê，
後來有人講伊是來kā我報恩ê原因，因為我kah阿娘照顧伊hit五ê囡仔，真
正是人生無常。