《台語kah魔術》

 | | | 轉寄

路竹好

作者 蘇晏德 2015.12.20

路竹好（台語文）作者：蘇晏德

路竹好、路竹好、路竹地理真正好，
強烈風颱吹袂倒、大雨出門袂跋倒；

路竹好、路竹好、路竹出產三項寶，
花菜雞卵銷全島、柑仔蜜種上介好；

路竹好、路竹好、路竹發展無限好，
科學園區響全島、提供就業人呵咾；

路竹好、路竹好、運動公園拄起好，
長期訓練會結果、起造運動的寶島；

路竹好、路竹好、路竹公所真正好，
軟體硬體設備好、鄉民服務免煩惱；

路竹好、路竹好、服務民眾人人好，
各種活動有成果、鄉民攏總真呵咾。

Loō-tik hó Soo Iàn-tik

Loō-tik hó、Loō-tik hó，
Loō-tik tē-lí tsin-tsiàⁿ hó，

Kiông-lia̍t hong-thai tshue bē tó，
Tuā-hoō tshut-mn̂g bē pua̍h-tó；

Loō-tik hó、Loō-tik hó，
Loō-tik tshut-sán saⁿ-hāng pó，

Hue-tshài ke-nn̄g siau tsuân-tó，
Kam-á-bi̍t tsíng siōng-kài hó；

Loō-tik hó、Loō-tik hó，
Loō-tik huat-tián bô-hān hó，

Kho-ha̍k hn̂g-khu hiáng tsuân-tó，
Thê-kiòng tsiū-gia̍p lâng o-ló；

Loō-tik hó、Loō-tik hó，
Ūn-tōng kong-hn̂g tú khí-hó，

Tn̂g-kî hùn-liān ē kiat-kó，
Khí-tsō ūn-tōng ê pó-tó；

Loō-tik hó、Loō-tik hó，
Loō-tik kong-soó tsin-tsiàⁿ hó，

Nńg-thé ngē-thé siat-pī hó，
Hiong-bîn ho̍k-bū bián huân-ló；

Loō-tik hó、Loō-tik hó，
Ho̍k-bū bîn-tsiòng lâng-lâng hó，

Kok-tsóng ua̍h-tāng ū sîng-kó，
Hiong-bîn lóng-tsóng tsin o-ló。