《台語kah魔術》

| | | 轉寄

0928教師節

教師節(台語文) Kàu-su-cheh

九月二八教師節 Káu-goe̍h jī-peh Kàu-su-cheh
老師用心來教冊 Lāu-su iōng-sim lâi kà-chheh
文武雙全逐項會 Bûn-bú siang-choân ta̍k-hāng ē
教阮表演展才藝 kà goán piáu-ián tián châi-gē

教師節慶有意義 Kàu-su chiat-khèng ū ì-gī
老師恩情無地比 Lāu-su un-chêng bô-tè-pí
疼咱袂輸是親生 Thiàⁿ lán bē-su sī chhin-siⁿ
金言玉語阮永記 Kim-giân gio̍k-gí goán éng-kì

教師佳節獻感恩 Kàu-su ka-chiat hiàn kám-un
恩師辛苦為著阮 Un-su sin-khoó ūi-tio̍h gún
祝福老師永青春 Chiok-hok lāu-su éng chheng-chhun
身體健康一百分 Sin-thé kiān-khong chi̍t-pah-hun

教師節日謝恩師 Kàu-su cheh-ji̍t siā un-su
老師親像咱爸母 Lāu-su chhin-chhiūⁿ lán pē-bú
教咱做人佮處事 Kà lán chò-lâng kah chhú-sū
生活充實閣豐富 Seng-oa̍h chhiong-si̍t koh hong-hù