《母語e5心靈雞湯》

 | | | 轉寄

猴猻á ê 戰爭癖

作者 Li KhinhoaN 2006.05.28

listen

Kâ-san-á bān-gōa tang chêng
猴猻á萬外冬前
Tio̍h ài chiàn-cheng
Tio̍h ài 戰爭
Chìn-hòa-lūn kóng kâu-san-á
進化論講猴猻á
Ē it-t…t chìn-hòa
會一直進化

Bô m̄-tio̍h
無m̄著
Chiàn-cheng ê kang-kū it-t…t chìn-hòa
戰爭ê工具一直進化
Kâu-san-á lóng bô chìn-hòa
猴猻á lóng無進化
Chiàn-cheng-phiah
戰爭癖
Kái bē kè-lâi
改bē過來

Ūn-tōng pí-sài chiàn-cheng
運動比賽 戰爭
Khó-chhī chiàn-cheng
考試 戰爭
Peh-soaⁿ chiàn-cheng
peh山 戰爭
Bîn-chhn̂g-téng chiàn-cheng
眠床頂 戰爭
Tī-liâu pēⁿ chiàn-cheng
治療病 戰爭
Náu-sè-pau chìn-tōng chiàn-cheng
腦細胞振動 戰爭
Oa̍h leh chiàn-cheng
活leh 戰爭
Sí-khì bí-hó ê chiàn-cheng í-keng phah liáu
死去 美好 ê 戰爭已經phah了

Ûi-tio̍h bô chiàn-cheng
為著無戰爭
Só͘-í seng chiàn-cheng
所以先戰爭

Hoán-chiàn ê sī-ui
反戰 ê 示威
Hia̍h-á-téng n̂g-pò͘-tiâu-á ê piau-gí
額á頂黃布條á ê 標語
Hô-hô pêng-pêng
和和平平
Pit-sèng nn̄g-jī.
必勝二字

--2003/5/11 Harvard