《台語荒漠甘泉（漢羅版）》

 | | | 轉寄

上帝teh照顧你

作者 陳清俊 譯 林俊育 漢羅翻寫 2010.01.03

listen 正月初三(一月三日)

「我(goá) beh 照(chiàu) tī 我(goá) 面前(bīn-chêng) kui 群(kûn) 精牲(cheng-siⁿ) ê 力量(le̍k-liōng)，亦(ia̍h) 照(chiàu) 囡(gín) á ê 力量(le̍k-liōng)，慢(bān) 慢(bān) 進前(chìn-chêng)。」(創世記33：14)

這(che) 是(sī) 一個(chi̍t-ê) 真(chin) 趣味(chhù-bī) ê 圖畫(tô͘-oē)！描寫(biâu-siá) 雅各(Ngá-kok) 對(tuì) 精牲(cheng-siⁿ) kap 囡(gín) á ê 慈心(chû-sim)！伊(i) 無(bô) ài 趕(koáⁿ) 緊緊(kín-kín) 來(lâi) 趕路(koáⁿ-lō͘)，伊(i) 無(bô) ài 照(chiàu) 大(toā) 人(lâng) ê 力量(le̍k-liōng) 來(lâi) 催趕(chhui-koáⁿ) in,是(sī) 照(chiàu) in 囡(gín) á ê 氣力(khuì-la̍t) 慢(bān) 慢(bān) chhōa in 行(kiâⁿ)。伊(i) 知(chai) 伊(i) ê 囝兒(kiáⁿ-jî) 細漢(soè-hàn)、幼嫩(iù-chíⁿ)，牛羊(gû-iûⁿ) 也(iā) 有(ū) 細(soè) 隻(chiah) ê teh 飼奶(chhī-ni)。伊(i) 知(chai) in 一工(chi̍t-kang) 會(oē) 行(kiâⁿ) gōa-chōe 路(lō͘)；伊(i) 考慮(khó-lū) 了(liáu)，chiah 安排(an-pâi) in ê 行程(hêng-têng)。而且(jî-chhiáⁿ) 一條(chi̍t-tiâu) 曠野(khòng-iá) ê 路(lō͘)，以前(í-chêng) 伊(i) 也(iā) bat 行(kiâⁿ) 過(kè)；有(ū) 崎嶇(khi-khu)，有(ū) 危險(guî-hiám)，有(ū) 炎熱(iām-jia̍t)，有(ū) 寒冷(hân-léng)，伊(i) 有(ū) 經驗(keng-giām) 過(kè)。所以(só͘-í) 伊(i) 對(tuì) in 講(kóng)：「我(goá) beh 慢(bān) 慢(bān) chhōa in 行(kiâⁿ)。」

「因為(in-uī) chit 條(tiâu) 路(lō͘) lín m̄-bat 行(kiâⁿ) 過(kè)。」(約書亞3：4)

前面(chêng-bīn) ê 路(lō͘) 咱(lán) lóng m̄-bat 行(kiâⁿ) 過(kè)，總是(chóng-sī) 主(Chú) 耶穌(Iâ-so͘) bat 行(kiâⁿ) 過(kè)。咱(lán) ê 前途(chiân-tô͘) 對(tuì) 咱(lán) 真正(chin-chiàⁿ) 是(sī) 茫茫(bâng-bâng) 渺渺(biáu-biáu)，總是(chóng-sī) 主(Chú) lóng 經過(keng-koè) lah。Chit-chām hō͘ 咱(lán) 心(sim) 亂(loān)chhau-chhau,hit-chām hō͘ 咱(lán) 身體(sin-thé) 軟(nńg) sô-sô,另外(lēng-goā) 一(chi̍t) chām hō͘ 咱(lán) 嘴乾(chhuì-ta) 烏暗眩(o͘-àm-hîn)，koh 一(chi̍t) chām hō͘ 咱(lán) 氣(khuì) lóng 喘(chhoán) bōe 過(kè) 來(lâi)；其實(kî-si̍t) chiah-ê 主(Chú) lóng bat 經歷(keng-le̍k) 過(kè)，行(kiâⁿ) 過(kè)。聖經(sèng-keng) 講(kóng)：「耶穌(Iâ-so͘) 行路(kiâⁿ-lō͘) 倦(siān)。」(約翰4：6)行路(kiâⁿ-lō͘)、風(hong) 雨(hō͘)、災難(chai-lān)、高山(koâiⁿ-soaⁿ) 會(oē) hō͘ 伊(i) 厭倦(ià-siān)，卻(khiok) bōe-thang 滅(bia̍t) 伊(i) ê 熱情(jia̍t-chêng)。

伊(i) 所(só͘) tú-tio̍h ê 苦難(khó͘-lān)，hō͘ 伊(i) 成做(chiâⁿ-choè) siōng 好(hó) ê 牧者(bo̍k-chiá)。「伊(i) 知(chai) 咱(lán) ê 體質(thé-chit)，siàu 念(liām) 咱(lán) 是(sī) 土(thô͘) 做(choè) ê。」(詩篇103：14)伊(i) ta̍k 時(sî) ta̍k 刻(khek) 帶念(tài-liām) 咱(lán)，無(bô) hō͘ 咱(lán) 行(kiâⁿ) tī 咱(lán) 所(só͘) 擔當(tam-tng) bōe 起(khí) ê 路(lō͘)。(Frances Ridley Havergal)

一(chi̍t) 枝(ki) 草(chháu)，一點(chi̍t-tiám) 露(lō͘)，天(thiⁿ) 無(bô) 絕(choa̍t) 人(lâng) ê 路(lō͘)

無(bô) 一定(it-tēng) 常常(siông-siông) tī 青翠(chhiⁿ-chhuì) ê 草場(chháu-tiûⁿ)，
伊(i) 知(chai) 伊(i) ê lóng 總(chóng) ê 羊(iûⁿ)，
用(ēng) 慈愛(chû-ài) chhōa in 過(kè) 危險(guî-hiám) ê 路上(lō͘-chiūⁿ)，
烏暗(o͘-àm) 中(tiong) 牽(khan) tī 伊(i) ê 手掌(chhiú-chiúⁿ)。

無論(bô-lūn) 是(sī) tī 好(hó) 天(thiⁿ) ê 山頂(soaⁿ-téng)，
Á 是(sī) tī 無(bô) 日頭(ji̍t-thâu) ê 山谷(soaⁿ-kok)、路徑(lō͘-kèng)，
烏雲(o͘-hûn)、陰影(im-iáⁿ) 重(tāng) 重(tāng)，
有(ū) 伊(i) ê 同在(tông-chāi)，放心(hòng-sim) 安寧(an-lêng)。 (Barry)



附註:《荒漠甘泉》漢羅版kap "Hong-bô͘ Kam-chôaⁿ"全羅版附CD，由人光出版社出版， 歡迎洽購(06-235-6277分機(122~124) ， e-mail:book@pctpress.com