《宋澤萊新著《天路拾穗》TOJ/台灣字版》

 | | | 轉寄

Chútê 16. Honggiân kîtó só͘ tit ê chi̍tê ībāng

作者 Sòng Te̍klâi 2026.06.21

Tējī pō͘ Sènglêng Koànak
16. Honggiân kîtó só͘ tit ê chi̍tê ībāng

Chòekīn 2 kògoe̍h ílâi, inūi hō͘ sèsio̍k ê tāichì tîⁿ tiâu leh, chin chió chò kîtó, kámkak phîkhì bô hó, sengoa̍h ê khapō͘ bô tùitâng. Goán chiū ánne koattēng beh kò͘tēng ê kîtó, mā to̍h sī tī ta̍k kang khùn chiânchìn chò píkàu khah tn̂g sîkan ê honggiân kîtó.

Thâuchi̍t kang to̍h kui sengkhu khinsang, khùn kah chin lo̍hbîn, iáu tit tio̍h chi̍tê ībāng, lōeiông hunchò nn̄g tōaⁿ：
Tī bînbāng tiong, góa seng khòaⁿ tio̍h ū chi̍tê lâng tîm lo̍hkhì tī chhītìn chheⁿchhùi ê chúi tî ni̍h, tī chúi nih teh phû, kahná sí à. M̄koh góa khaktēng chaiiáⁿ i iáubōe sí, chiū ánne lo̍hkhì chúi tiong, kā i hô͘ kàu tēbīn khí lâi, i hutjiân koh oa̍h khí lâi, tōa pō͘ kiâⁿ hn̄ghn̄g khì, che sī tē it tōaⁿ.

Liáuāu, góa koh khòaⁿ tio̍h piⁿ'á ū chi̍tê sengkhu kiānchōng ê tōahàn lâng, chin ū khìphài tī kelō͘ teh kiâⁿ, chin ū la̍t teh siàn tanghong. M̄koh, hutjiânkan i sengkhu téng ê bó͘ chióng sênghun pī thiu khì, khin phiauphiau sûisî beh poe khí lâi, siōng bóe phiau tah tī lō͘piⁿ ê piahtó͘ téng, piànsêng chi̍tê chóa iù’á chòchiâⁿ ê lâng, oânchoân ko͘tâ khì, bô chi̍tsisiá ê sèⁿmiā. Che sī tējī tōaⁿ.

Chin kín, góa liáukái ībāng ê hâmgī, choânpō͘ lóng sī chiamtùi góa chò ê tiámtù, jîchhiáⁿ bô khiàm chhiòkhoe kám. Sènglêng teh kā góa kóng, nā chi̍tê lâng kútn̂g bô kîtó, bô hoattō͘ kah SiōngChú liânlo̍k, i to̍h ē sitkhì lêngsèng ê lâigoân, honghùi chiâⁿchò chi̍tê síkhì á sī chóa lâng, m̄koh kású khò kîtó lâi tit tio̍h liânlo̍k, ū lêngsèng ê lâigoân, lâng to̍h ētànḡ kohoa̍h. Phìjū kóng chi̍t chō tâiteng khui teng ê sî kongchhái chhànlān, chíiàu kā khaikoan koaiⁿ tiāu, bô tiāngoân, suibóng gōapiáu gōa ni̍h'á hókhòaⁿ, i mā ittēng kongchhái chhànlān bē khí lâi.

Sènglêng ê tenglêng bô hiké, ībāng hō͘ góa koh khah kianchhî ū kuilu̍t kîtó ê pitiàu, suijiân kiámchhái ta̍k pái sîkan tn̂gté bô kângkhoán, hāukó mā m̄sī ta̍k kang lóng kângkhoán hiah hó, m̄koh tùi ho͘hoàn tńglâi pêngan hílo̍k ê sim sī chin ū lō͘ēng ê!

Chòekīn, góa mā kā sànpō͘ ê sîkan káipiàn, chìnchêng ta̍k kang lóng kiâⁿlō͘ 45 huncheng, iânlō͘ kiâⁿ iânlō͘ choh honggiân kîtó, chi̍t pái kiatsok. Chitmá hunchò saⁿ tǹg liáuāu khì gōabīn kiâⁿkiâⁿ leh, ta̍k pái kiâⁿ 15 huncheng, chóngkiōng mā sī ta̍k kang kiâⁿ 45 huncheng. Kîsi̍t chi̍t pái kiâⁿ 15 huncheng, sîkan si̍tchāi chin té, bô hoattō͘ kiâⁿ gōa chē lō͘, inūi kiâⁿ khì ūntōngtiâⁿ to̍h suiàu 5 huncheng, kohchài kiâⁿ tńg lâi mā suiàu 5 huncheng, chhun lo̍hlâi 5 huncheng tī ūntōngtiâⁿ tiong, chò kúi ē théchhau, 15 huncheng to̍h kòekhì à. M̄koh, hunchò saⁿ tǹg pn̄g liáuāu kiâⁿlō͘ chò théchhau mā ū tōa hóchhù, inūi lí ē kui kang kámkak chìchió iáu ū chi̍t kiāⁿ tāichì lí iáubōe chò oân, ētàng thêchhéⁿ lí kóaⁿkín khì chò kîtha engkai chò ê tāichì（pílūn kóng khì chhītiûⁿ bé chhài, chú pn̄g, sé saⁿ, pha̍k saⁿ, lù thô͘kha, chénglí khoânkéng, tò pùnsò, khòaⁿ chheh, siá chheh, tha̍k sèngkeng, khì kàuhōe, kah gín'á khà chi̍t thong tiānōe, koansim chi̍tē’á sîkio̍k ……）, mā chiū bē tìsú lōnghùi liáu taōahó ê sîkan. ──2022, 12, 05 tah tī "Kitokkàu Thongsìn" Tējī pō͘ Sènglêng koànak 16. Honggiân kîtó só͘ tit ê chi̍tê ībāng

Chòekīn 2 kògoe̍h ílâi, inūi hō͘ sèsio̍k ê tāichì tîⁿ tiâu leh, chin chió chò kîtó, kámkak phîkhì bô hó, sengoa̍h ê khapō͘ bô tùitâng. Goán chiū ánne koattēng beh kò͘tēng ê kîtó, mā to̍h sī tī ta̍k kang khùn chiânchìn chò píkàu khah tn̂g sîkan ê honggiân kîtó.

Thâuchi̍t kang to̍h kui sengkhu khinsang, khùn kah chin lo̍hbîn, iáu tit tio̍h chi̍tê ībāng, lōeiông hunchò nn̄g tōaⁿ：

Tī bînbāng tiong, góa seng khòaⁿ tio̍h ū chi̍tê lâng tîm lo̍hkhì tī chhītìn chheⁿchhùi ê chúi tî ni̍h, tī chúi nih teh phû, kahná sí à. M̄koh góa khaktēng chaiiáⁿ i iáubōe sí, chiū ánne lo̍hkhì chúi tiong, kā i hô͘ kàu tēbīn khí lâi, i hutjiân koh oa̍h khí lâi, tōa pō͘ kiâⁿ hn̄ghn̄g khì, che sī tē it tōaⁿ.

Liáuāu, góa koh khòaⁿ tio̍h piⁿ'á ū chi̍tê sengkhu kiānchōng ê tōahàn lâng, chin ū khìphài tī kelō͘ teh kiâⁿ, chin ū la̍t teh siàn tanghong. M̄koh, hutjiânkan i sengkhu téng ê bó͘ chióng sênghun pī thiu khì, khin phiauphiau sûisî beh poe khí lâi, siōng bóe phiau tah tī lō͘piⁿ ê piahtó͘ téng, piànsêng chi̍tê chóa iù’á chòchiâⁿ ê lâng, oânchoân ko͘tâ khì, bô chi̍tsisiá ê sèⁿmiā. Che sī tējī tōaⁿ.

Chin kín, góa liáukái ībāng ê hâmgī, choânpō͘ lóng sī chiamtùi góa chò ê tiámtù, jîchhiáⁿ bô khiàm chhiòkhoe kám. Sènglêng teh kā góa kóng, nā chi̍tê lâng kútn̂g bô kîtó, bô hoattō͘ kah SiōngChú liânlo̍k, i to̍h ē sitkhì lêngsèng ê lâigoân, honghùi chiâⁿchò chi̍tê síkhì á sī chóa lâng, m̄koh kású khò kîtó lâi tit tio̍h liânlo̍k, ū lêngsèng ê lâigoân, lâng to̍h ētànḡ kohoa̍h. Phìjū kóng chi̍t chō tâiteng khui teng ê sî kongchhái chhànlān, chíiàu kā khaikoan koaiⁿ tiāu, bô tiāngoân, suibóng gōapiáu gōa ni̍h'á hókhòaⁿ, i mā ittēng kongchhái chhànlān bē khí lâi.

Sènglêng ê tenglêng bô hiké, ībāng hō͘ góa koh khah kianchhî ū kuilu̍t kîtó ê pitiàu, suijiân kiámchhái ta̍k pái sîkan tn̂gté bô kângkhoán, hāukó mā m̄sī ta̍k kang lóng kângkhoán hiah hó, m̄koh tùi ho͘hoàn tńglâi pêngan hílo̍k ê sim sī chin ū lō͘ēng ê!

Chòekīn, góa mā kā sànpō͘ ê sîkan káipiàn, chìnchêng ta̍k kang lóng kiâⁿlō͘ 45 huncheng, iânlō͘ kiâⁿ iânlō͘ choh honggiân kîtó, chi̍t pái kiatsok. Chitmá hunchò saⁿ tǹg liáuāu khì gōabīn kiâⁿkiâⁿ leh, ta̍k pái kiâⁿ 15 huncheng, chóngkiōng mā sī ta̍k kang kiâⁿ 45 huncheng. Kîsi̍t chi̍t pái kiâⁿ 15 huncheng, sîkan si̍tchāi chin té, bô hoattō͘ kiâⁿ gōa chē lō͘, inūi kiâⁿ khì ūntōngtiâⁿ to̍h suiàu 5 huncheng, kohchài kiâⁿ tńg lâi mā suiàu 5 huncheng, chhun lo̍hlâi 5 huncheng tī ūntōngtiâⁿ tiong, chò kúi ē théchhau, 15 huncheng to̍h kòekhì à. M̄koh, hunchò saⁿ tǹg pn̄g liáuāu kiâⁿlō͘ chò théchhau mā ū tōa hóchhù, inūi lí ē kui kang kámkak chìchió iáu ū chi̍t kiāⁿ tāichì lí iáubōe chò oân, ētàng thêchhéⁿ lí kóaⁿkín khì chò kîtha engkai chò ê tāichì（pílūn kóng khì chhītiûⁿ bé chhài, chú pn̄g, sé saⁿ, pha̍k saⁿ, lù thô͘kha, chénglí khoânkéng, tò pùnsò, khòaⁿ chheh, siá chheh, tha̍k sèngkeng, khì kàuhōe, kah gín'á khà chi̍t thong tiānōe, koansim chi̍tē’á sîkio̍k ……）, mā chiū bē tìsú lōnghùi liáu taōahó ê sîkan.

──2022, 12, 05 tah tī "Kitokkàu Thongsìn"