《國中蕃薯園》

| | || 轉寄

台南文賢國小台語名號詩2018

指導老師:蘇晏德
2018年文賢國小畢業生

我名叫做謝亞筑iok
有時去廟看戲劇
想欲家己學作曲
佮意媠媠的孔雀
逐家講我穿足俗
上強科目是體育
別人講我袂軟弱
生日全家會慶祝

我名叫做吳沛玹ian
佮意大腸包香腸
快樂逍遙像神仙
上蓋意愛食海鮮
歡喜朋友來結緣
有錢想欲買金鍊
阮的學校是文賢
上愛台語佮自然

柏丞外號陳清牧ok
逐工攏總真快樂
大漢想欲去外國
朋友真濟袂寂寞
上愛去看梅花鹿
看著昆蟲會記錄
電影愛看風之谷
若寫功課足快速

姿晴外號林綿紅ang
我是快樂台南人
放假時陣上輕鬆
上驚野外虎頭蜂
足愛看人練氣功
討厭功課傷濟項
有閒會去安平港
上蓋愛食三星蔥

宥嫻外號林美妝ng
逐工上愛佮人耍
放假想去動物園
有錢意愛買彩劵
上蓋愛食烏甕串
睏的眠床愛足軟
食飯一定愛配湯
大漢想欲學插秧

我名叫做王宜瑧in
熱天上愛食冰品
愛食海味佮山珍
做事輕快閣認真
阮有一條媠圍巾
做人努力閣勤慎
大漢想欲好婚姻
對待爸母足感恩

我名叫做楊佳沛ai
細漢佮意去拜拜
大漢足愛去買菜
平時愛看籃球賽
學校社團是弄獅
水果上愛食水梨
夢想想欲大發財
理想向望環世界

子芊外號李美聲ia
為著成績想欲贏
每日功課認真寫

雖然算術真討厭
毋過阮攏無咧驚
閣較艱苦嘛會拚
將來成就滿府城
美聲予人好探聽

我名叫做黃淇芬un
大漢想欲學駛船
蹛佇仁德保安村
做人認真守本分
水果逐工攏一份
食飯上愛配蘆筍
有閒佮意讀課本
考試想欲一百分

我名叫做陳宣廷ing
熱天上愛食礤冰
秋天意愛去賞櫻
透早攏會啉牛奶
甜點佮意食布丁
逐工暗時攏閒閒
假日想欲去游泳
逐擺功課攏完成

我名叫做林頌卉ui
看著食物喙就開
熱天上愛啉冰水
上蓋佮意食鹹梅
上驚食濟會礙胃
做人認真有智慧
生做古錐人真媠
袂講別人的是非

恆誠外號郭安世e
細漢佮意看火雞
厝內衫褲我會洗
熱天上愛啉紅茶
大漢想欲學騎馬
有錢想欲買新鞋
平常我攏會讀冊
以後想欲去西螺

耀傑外號柳文豪o
平時愛食雞卵糕
做人正直守真道
歇熱想去龜山島
上蓋尊敬阮阿母
大漢想欲飼天鵝
踢球技術有夠好
希望以後錢洘洘

我名叫做蔡旻諭u
蹛佇台南仁德區
大漢欲做好丈夫
平時佇家會讀書
若寫功課會tuh龜
熱天上愛啉沙士
上蓋佮意看美女
上驚看著死鳥鼠

我名叫做黃詩瑄uan
蹛佇仁德保安村
阮的家庭足溫暖
食飯上愛配貢丸
事事項項攏圓滿
上蓋愛去彩卷館
有錢想欲買彩卷
若我上蓋愛台灣

我名叫做陳品學ak
做人老實冊會讀
規規舉舉袂白目
做事認真閣正確
大漢欲去讀大學
旅行想欲去台北
佮意英文和音樂
運動上蓋有把握

我名叫做陳柏凱ai
看著神明攏會拜
以後想欲學種菜
梅仔鹹鹹我上愛
水果佮意食鳳梨
平時愛看跤球賽
逐工做夢想發財
若趁有錢遊世界

文琳外號劉文郊au
早頓佮意食肉包
上愛動物著是狗
假日意愛耍電腦
無聊想欲食塗豆
自然國語上蓋gâu
逐工攏會來學校
上蓋討厭是賊偷

頂榮外號李文智i
蹛佇仁德三甲里
透早佮意啉牛奶
暗時意愛看天星
上蓋愛食關廟麵
拄著數學就放棄
阮兜上愛講台語
大漢想欲做名醫

秋玉外號王溫儒u
蹛佇仁德的田厝
上蓋佮意看老鼠
我有真濟的文具
台語課程有興趣
平時愛看故事書
上愛看人練跳舞
大漢想欲飼乳牛