《台灣布袋戲e5歷史》

| | | 轉寄

虎尾五洲園派

五洲說源頭
五洲園,是黃海岱tī雲林虎尾所創立ê。臺灣民間廣為流傳ê俗語:「虎尾好詩詞」,「虎尾」就是指五洲園ê代名詞,形容黃海岱ê布袋戲口白文雅,出口成章。

「五洲園」班名,是黃海岱向伊ê父親黃馬學藝,出師了後所組ê。原名「五州園」,主要ê由來是,大正九年(1920)臺灣總督府ê市街改正計畫,將全臺分為臺北、新竹、臺中、臺南、高雄等五州,以及臺東、花蓮港、澎湖等三廳。本來ê班名,意思是日後名揚全臺。後來,黃海岱koh改為「五洲園」,彰顯伊少年ê雄心壯志,期待有朝一日,伊ē-tàng用掌中技藝征服世界五大洲。

黃海岱初整團時,tī中南部各鄉鎮巡迴表演,尤其是將清代著名ê公案小說搬上布袋戲舞臺,隨時得tio̍h觀眾ê喜愛,轟動一時。尤其tī臺南新化,每年七月中元節ê酬神演戲,黃海岱整團南下,一演就是二個月。因此,新化一帶ê老歲仔,攏用「尪仔岱」ê來稱呼伊,意思是真gâu搬布袋戲尪子ê黃海岱。In對伊鋪排過ê戲劇情節,ē-tàng講是如數家珍。

承傳kap分佈
戰後臺灣戲園布袋戲開始萌芽,五洲園沿著臺灣縱貫線各地戲園表演。為tio̍h應付各地觀眾熱烈ê需求反應,黃海岱不得不廣收門徒,甚至一度將五洲園分為五團,除了家己執掌「五洲園本團」之外,其餘戲班都交hō͘ in 後生kap徒弟,尤其黃俊卿ê「五洲園二團」、黃俊雄ê「五洲園三團」koh-khah是青出於藍。伊出名ê徒弟,包括鄭壹雄ê「寶五洲」、廖萬水ê「省五洲」、胡新德ê「新五洲」、詹寶玉ê「錦玉社」等各據一方,奠定五洲派日後揚名立萬ê基礎。黃俊卿、鄭壹雄、黃俊雄等各自擁有三、三十名以上ê門徒。黃海岱ê再傳弟子當中,鄭壹雄ê學生「五洲小桃源」ê孫正明、黃俊雄ê門徒「正五洲」呂明國、洪連生等,lóng是出類拔萃ê人物。

黃海岱ê兒子,黃俊卿是戰後戲園布袋戲ê霸主,黃俊雄ê電視布袋戲是1970年代上e-tang超越族群藩籬ê全民運動。至於孫子貝ê黃文擇、黃強華創造ê霹靂布袋戲王國,黃文耀ê天宇布袋戲等,lóng tī臺灣布袋戲史上留落來一連串ê驚嘆號。黃氏家族四代人承傳ê掌中技藝,以及所注入ê改革心血,可講是臺灣布袋戲發展ê歷史縮影。「五洲園」傳授ê門徒遍kap全國,如果稍將冠上「五洲」ê戲班做統計,至少全臺灣有超過三分之一以上ê戲班屬於chit-ê流派。五洲園派,thang講是臺灣影響siōng深遠ê布袋戲流派。