《CTT出頭天園地》

| | | 轉寄

I-sap 寓言 49

49. Kā Niau-á Kòa Giang-á

Chi̍t-tīn niáu-chhí chò-tīn teh chham-siông, beh án-chóaⁿ tùi-hù in ê te̍k-jîn-niáu-á. Ta̍k-ê cha̍p-chhùi káu kha-chhng, kóng kàu chhùi-kak choân-pho. Kàu bóe-á, chi̍t-chiah siàu-liân niáu-chhí thê-gī, “ Góa ū chi̍t-ê siōng-hó ê pān-hoat, lán lâi kā niáu-á kòa chi̍t-ê giang-á. Án-ne, niáu-á nā kiâⁿ òaⁿ--lâi, giang-á-siaⁿ chiū ē kā lán kéng-kò, lán chiū ē-hù thang kóaⁿ-kín tô-miā.” Tāi-ke thiaⁿ-liáu lóng phah po̍k-á chàn-sêng, o-ló i ē-hiáu siūⁿ chit-ê pān-hoat chin khiáu. Ū chi̍t-chiah lāu niáu-chhí khiā--khì--lâi, mn̄g tāi-ke, “Taⁿ, siáⁿ-lâng beh khì kā niau-á kòa giang-á?” Chit-sî, tāi-ke lí khòaⁿ góa, góa khòaⁿ lí, m̄-chai beh án-chóaⁿ beh chóaⁿ-iūⁿ pān chiah hó.
Kóng--ê pí chò--ê khah kán-tan.