《CTT出頭天園地》

 | | | 轉寄

I-sap 寓言 22

作者 TLH 2007.07.15

22. Lí-hêng ê Lâng kap Hîm

Nn̄g-ê lâng chò-hóe khì lí-hêng, kiâⁿ-kòe chhiū-nâ ê sî-chūn, chi̍t-chiah hîm hiông-hiông chông--chhut--lâi. Kiâⁿ tī thâu-chêng hit-ê sûi peh chiūⁿ chhiū-á, kā ka-kī chhàng tiàm chhiu-oe--ni̍h. Lēng-gōa hit-ê bē-hù thang siám-pī, chiū kui-sin-lâng phiaⁿ-lo̍h-khì phak tī thô͘-kha.

Hîm chông lâi kàu i sin-piⁿ, àⁿ lo̍h-khì kā phīⁿ-phīⁿ leh, kan-ta iô-thâu, “Hô͘ⁿ” chi̍t-siaⁿ, chiū lī-khui.

Chhiū-téng hit-ê lo̍h--lâi, kiâⁿ óa i ê tông-phōaⁿ, chhiò-chhiò-á kā mn̄g-kóng, “Hit-chiah Hîm--sian--siⁿ tàu-té tùi lí kóng sím-mi̍h?” “I kā góa kóng, tī gûi-hiám ê sî, chò i liu-soan ê pêng-iú, choa̍t-tùi m̄-thang koh kap i kau-pôe.”