《赤崁樓ê情phoe》

 | | | 轉寄

Châbó͘ Gín’á ê Ji̍tkì —— Siū ge̍k jîtông

作者 Koa Pek'êng 2021.08.01



Mamĭ, góa chiok siūⁿ lí ê
Papa kóng sī góa bô koai, lí chiah ē cháu chhutkhì
Hāi góa háu kui mê

Papa kā góa koaiⁿ tī phòami̍hkeng
M̄ hō͘ góa tha̍kchheh koh tiāⁿtiāⁿ kā góa kòng
Kóng chhâbó͘gín’á phòakeh

Kin’áji̍t kehpiah ê SiǎoMěi lâi chio góa chhitthô
Góa pháiⁿsè tòe i chhutkhì
In’ūi góa kui sengkhu o͘chheⁿ gênghoeh

Papa ta̍k kang to chhàu chiúbī
Góa paktó͘ chiok iau, chiok chhùita
Kanta SiǎoHuáng ē kā góa iô bóe’á

Chahng papa lim chiú chùi teh tī góa ê sengkhu téng
Hāi góa pàngjiō ê só͘chāi lâu chiok chē hoeh
Góa chiok thiàⁿ, chiok kiaⁿ, itti̍t háu
Papa kā góa siàn nn̄g ē chhùiphóe
Kóng góa sī liáuchîⁿhòe

Mamĭ, lí tī tóūi
Góa chiok siūⁿ lí ê